من تقصد ريهام سعيد بـ "الواطي" بعد أزمتها مع حسن شاكوش؟.. القصة الكاملة

اثارت أزمة الإعلامية ريهام سعيد وحسن شاكوش مغني المهرجانات جدل الجمهور، وذلك بسبب حفل ابناءها في الساحل الشمالي التي احتفلوا بها من أجل التخرج.

بداية أزمة ريهام سعيد وحسن شاكوش

حلت الإعلامية ريهام سعيد ضيفة في برنامجها 'شيخ الحارة والجريئة' وفتحت النار على حسن شاكوش، وقالت: 'قلتله هي أغنية واحدة في هتغنيها في كابينة وطلع عيني عشان يجي حفلة ولادي في الساحل الشمالي بعد ما رجعوا من برة، ولما وصل كان فيه زحمة، قلناله ممكن تنزل تمشي، قال شاكوش ميمشيش على رجله وسط الناس'.

رد حسن شاكوش على ريهام سعيد

نشر حسن شاكوش عبر حسابه الرسمي بموقع التواصل الإجتماعي 'فيسبوك'، رده على كلام ريهام سعيد، من خلال بث مباشر وقال: ' في الصيف اللي فات أنا كنت في الساحل الشمالي وهي طلبتني أني أروح أحضر الحفلة وأكون موجود مع أولادها وأصحابهم، أنا كنت في الفترة دي في مشاكل مع النقابة ومكنش ينفع أني اشتغل وأنزل حفلات، الأستاذة ريهام طلبتني علشان الحفلة وقولتلها أني محترم قرار النقابة، وطلبت منها ألا تقوم بأي دعاية، ولكنها أخبرتني أنني سأذهب إلى هناك والتقي بأولادها وأصدقائهم ولن أغني وسألتقط صور معهم'.

وتابع: 'طلبت منها مبلغ 30 ألف جنيه، فقالت لي هتاخد 30 ألف وأنت هتقعد ربع ساعة، وفي النهاية أخذت 10 آلاف جنيه وأديتهم لفرقتي، وفوجئت بأنها قامت بدعاية على مواقع التواصل الاجتماعي وكان عدد الحضور كبيرًا'.

وأضاف حسن شاكوش: 'الأمن رفض دخوله المكان حتى لا يحدث أي شغب، وهي قالتلي أن المكان فيه 20 شخص، لكن لقيت في حوالي 300 شخص، ولهاذ اتصلت بها وأخبرتها أنني لن أتمكن من دخول الحفل'.

وأختتم حسن شاكوش حديثه على ريهام سعيد بمفاجأة، حيث قال: 'أنا بقى لما روحت شفت حاجات مش هينفع اتكلم فيها ولا أحكي عنها حاجة، وأنا مخدتش منها جنيه، مشيرا إلى أنها بعد ذلك اتصل إعداد برنامجها به ليظهر معها لكنه رفض'.

هل ريهام سعيد تقصد حسن شاكوش بالـ"واطي"

نشرت ريهام سعيد منذ ساعات قليلة صورة عبر حسابها بموقع 'فيسبوك'، لقاعدة حمام، وكتبت عليها: ' ملقتش صورة أحسن من كده ليك، أنا مهذبة بس لغاية أولادي مش هاشوف ادامى'.

وتابعت ريهام سعيد: 'ولادي خط أحمر يا جربوع ومش غلطتك غلطة اللي طلعوك من البكابورت عشان تطاول على الناس الأشراف حسبي الله ونعم الوكيل مش أنا اللي هارد عليك ربنا اللي هايرد يا كداب يا واطي'. وتوقع الجمهور أنها تقصد حسن شاكوش ولكنها سرعان ما حذفت المنشور.