ريهام سعيد توبّخ مجدي الهواري بسبب محمد سامي: الزملاء ما يشمتوش في بعض

حدثت مشادة كلامية بين المخرج مجدي الهواري والإعلامية ريهام سعيد وذلك بعد القرار الذي أصدرته الشركة المتحدة للخدمات الإعلامية بوقف التعامل مع المخرج محمد سامي.

ونشر الهواري عبر حسابه الشخصي على موقع التواصل الاجتماعي فيسبوك بعد قرار الشركة المتحدة قائلاً: 'عارفين المثل اللي بيقول؛ لا يصح إلا الصحيح! ولا إيه؟'، وعلق عدد من متابعيه على منشوره موضحين أنه يقصد بكلامه المخرج محمد سامي.

كما علقت الإعلامية ريهام سعيد على المنشور من خلال حسابها الشخصي، قائلة: 'بس مش انت إلى تكتب البوست ده لأنه في الآخر زميل والزملاء يقفوا جنب بعض مش يشمتوا في بعض'.

ورد عليها مجدي الهواري قائلًا: 'مين الآخر، ومين الزميل، ومين اللي بيشتم!! أعتقد كلامك لحد تاني وفي مكان تاني، رغم اني مش محتاج أبرر'.

وأضاف: 'أنا سمعت الخبر من التعليقات، ومش مضطر أبدا اقول المقصود الحقيقي بالبوست'.

وتابع: 'أعتقد ان حلفاني يكفي، ومش مضطر كمان أبرر لأني أعتقد أني حر في ما أدونه على حسابي الشخصي، أنا مش هخش أبدا في النوع ده من الترندات لأني مش من المدرسة دي خالص، ولا الناس اللي بتعمل كده حتي هتلاقي متابعيني وأصدقائي شبهي ومحترمين كده وكمان ولا محتاج شهرة مثلاً وتاريخي يشهد على احترامي للجميع ومن الجميع، تحياتي'.

وأنهى قائلاً: 'هتلاقي ناس تانية في أكونتات تانية عايزة لقطة وماشيين مع التريند، مش هنا، ولا أنا، نقطة'.