رد الفنان أمير كرارة على الهجوم الذي تعرض له من الفنانة مها أحمد بعد قرار الشركة المتحدة للخدمات الإعلامية بوقف التعامل مع مخرج مسلسل نسل الأغراب محمد سامي.
وكانت مها أحمد شنت هجوما على أحمد السقا وأمير كرارة بطريقة غير مباشرة عبر حسابها الشخصي على موقع التواصل الاجتماعي فيسبوك ووصفتهم بكلمات قاسية، ورد كرارة عليها عبر فيسبوك قائلا: 'الوسط الفني كبار وصغيرين عارفين السقا وكرارة مواقفهم أيه مع زمايلهم واخواتهم الفنانين كبار وصغيرين وشكرا'.
وقالت مها أحمد في منشور عبر حسابها على فيسبوك: 'عوضي على الله دى الجملة اللى دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم أقربها أنا'.
وتابعت: 'النجم الأولانى بينى وبينه عيش وملح وزمالة رشحت في مسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف أنى إضافة له اتهرب منى وموقفش جنبى وباعنى رغم أن الكل عارف أنى زى أخته (ندل)'.
وأكملت مها أحمد حديثها: 'أما التانى كان في بداياته يتمنى يسلم عليا ويقولى يا أستاذة نزلت من نفسى وقلتله مش هنشتغل مع بعض ماهي الحوجة مرة رد وقالى الدور بينادى صاحبه طبعا محكلكوش قد إيه ندمت نفسى وعشت أسود أيام حياتى عياط واكتئاب وقلت عوضى عليك يا رب'.
وأضافت: 'تمر الأيام والاتنين يعلو ويتجمعوا مع بعض في مسلسل واحد (على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية والدراما كاملة لصالحها وهما (مخدماتية للأستاذة).
وأنهت قائلة: 'يمهل ولا يهمل ابدأوا من جديد يا أوفر تمثيل ياللى مبتقروش يا كومبارس جنب النجمة.. نصيحه بلاش تتشطروا على اللى كان بينكم وبينهم عيش وملح بلاش تتشطروا على أساتذتكوا.. (عوضنا على الله). يارب ما تحوجنا لحد حتى ولو كان أقرب الناس لينا.
تابعوا آخر أهل مصر على Google News
