طرح مطرب المهرجانات الشعبية حمو بيكا، عبر قناته الرسمية على موقع الفيديوهات الشهير يوتيوب أحدث مهرجاناته التي تحمل اسم 'قلبي شايل وجع' ويغني برفقته المطرب محمد شاهين.
وبعد ساعات من طرح مهرجان قلبي شايل وجع، عبر محمد شاهين عن غضبه عبر حسابه الشخصي على موقع فيسبوك قائلا:'أنا مش بتاع لايف واتكلم بشكل رخيص على موضوع مهرجان مع حمو بيكا، بس اللي عمله اسمه غدر وقلة قيمة، من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف'.
وتابع قائلا: 'كلمت حمو بيكا قلتله ازاي، قالي أنا هنزل في العيد 6 أغاني، بكلمه في حقوق الأغنية اقل حاجة في حقي يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قولتله: الكلام ده مش هينفع وقفلت معاه بعديها بعت لي مصمم البوستر وقالي: إن الأغنية مش هتنزل، اتفاجئت النهاردة بنزولها بدون علمي على أساس إيه؟ أنا هعرف أجيب حقي كويس بالقانون'.
تابعوا آخر أهل مصر على Google News
