قال الفنان مصطفى درويش، إن الفنان شريف دسوقي، خروج مساء اليوم من إحدى المستشفيات بالإسكندرية، بعدما خضع في الساعات الماضية لعملية جراحية نتج عنها بتر قدمه.
وأضاف 'درويش'، في تصريح خاص لـ 'أهل مصر'، أنه تم نقل الفنان شريف دسوقي إلى مستشفى أخرى لاستكمال علاجه.
وكان الفنان مصطفى درويش، نشر عبر حسابه الشخصي 'فيس بوك'، رسالة إلى الفنان شريف دسوقي بعد تعرض قدمه للبتر بعد مروره بأزمة صحية مؤخرا.
وقال مصطفى درويش في رسالته: 'حقك عليا وحقك علينا كلنا، لا حول ولا قوه إلا بالله، اللي حصل لشريف دسوقي ده حرام حسبي الله ونعم الوكيل في اللي كان السبب، لو كان حد وقف من النقابة اتحرك قبل ما يتعمل فيه الكارثة دي كان اتلحق بس للأسف النقابة قالت لبدرية طلبة لما استنجدت بيهم أصله مش عضو فمش هينفع نساعده من النقابة بس هنبقي نبعتلك مساعده شخصية'.
وتابع درويش: 'طبعا كتر خيركم وده قانون وعلى راسنا بس طاب كنتم روحوا هاتوه وقولو لينا ما كل المنتجين والممثلين معاهم فلوس يا جدعان وكله هنساعده ومحدش هيتأخر حتى كنا شوفنا حل قبل ما تحصل فيه الكارثه دي ويقطعو رجله ويترمي في مستشفى أقل ما يقال عنها تحت السلم بجد اللي حصل ده حرام'.
وأضاف: 'حقك عليا يا شريف سامحني والله ما كنت اعرف أنك في الحالة دي حقك عليا والله وقدام الجميع أهو والله ما هسيبك لحد ما أموت انت مسئول مني مسئولية كاملة حقك عليا وحقك علينا كلنا، الأستاذ جمال العدل اتكفل بمصاريف المستشفى والعلاج وأفراد والعصابة كلها متكفلة بكل حاجة، والأستاذة كاملة أبو زكري جابتله طرف صناعي من أحسن شركه للأطراف الصناعية، شكر لبدرية طلبة أنتي بميت راجل أنتي وناس إسكندرية'.
واختتم درويش حديثه بقول: 'تعديل دكتور أشرف ذكى تواصل معايا وفهمني الموقف وانا متفق معاه جداً والنقابة متكفلة بمصاريف المستشفي'.
تابعوا آخر أهل مصر على Google News
