شن الإعلامي عمرو أديب، هجومًا على الفنان محمد رمضان، خلا تقديم برنامجه "الحكاية" المذاع عبر فضائية "أون إي"، وذلك مساء أمس الجمعة؛ وذلك بسبب الفيديو الذي أعلن من خلاله "رمضان" التحفظ على أمواله.
وخلال السطور التالية ترصد "أهل مصر" أبرز تصريحات ورسائل عمرو أديب لمحمد رمضان:
1. "محمد رمضان فاكرنا هبل فاكرنا في عصر الجمهور الحقيقة مبتوصلوش، وحب يدينا انطباع أن هو مش بيعز حاجة على البلد، وأن البلد حطت إيديها على فلوسه".
2. "محمد رمضان بيضحك علينا كلنا بيقول البلد حطت إيدها على فلوسي، لا يا عم البلد عايشه من غير فلوسك وفي غنى عنها".
3. "مصمم يكذب علينا تاني ويقول للعالم أن في مصر الحكومة بتحط إيدها على فلوس الناس مصر مزنوقة في قرشين وأخدت فلوس رمضان، وقالك أنا بشيل الفلوس في البيت".
4. "دا اللي بتعلمه للناس أنهم ميتعاملوش مع البنوك اللي في مصر وأنهم ميتعاملوش مع البنوك الوطنية، بتقولهم خلي بالك الدولة ممكن تحط إيديها على فلوسك وحطها تحت البلاطة".
5. "أنت قررت أن متدفعش فلوس الراجل مع أنك عارف أنه حقه، ومش شايف أنت حصلك إيه وإيه اللي بيجرالك على مدى شهر".
6. "الفلوس دي يا محمد فلوس الراجل اللي مات، دي فلوس التعويض بتاعة الرجل اللي مات".
7. " يا راجل يا مفتري الراجل مات مش كنت تروح تلم القرشين وتديها لأهله، لازم تستنى لما يجيوا يحجزوا على الفلوس علشان القاضي هو اللي يديهم الفلوس، يا راجل حرام عليك اتقي الله".
8. "أبسط حاجة كنت تعملها مش 6 مليون أدي 10 أهي وأنا أسف والأعمار بيدي الله".
9. "ربك كبير وبيجب حقوق الناس، لو فاكر أن أنت أكبر من أي حد لو فاكر أن أنت مش هتدي حد حقه، في قضاء وفي دولة، دولة مش بتاخد فلوسك".
10. "أنا لسه عند ندري يوم ما أكسب القضية ندري موجود الفلوس كلها وهحط قدهم يروحوا مستشفى أبو الريش، فلوسك اللي أنت مخبيها في البيت هتروح للأطفال تتعالج".
تابعوا آخر أهل مصر على Google News
