أثيرت حالة من الجدل؛ بعد إعلان فتاة خلال مقطع فيديو بثته عبر حسابها الرسمي على 'فيس بوك'؛ منعها من نزول أحد حمامات السباحة بنادي بالم هيلز؛ لارتدائها مايو 'البوركيني' ذا الطابع المغطي للجسد؛ الأمر الذي أثار حفيظة رواد السوشيال ميديا لما فيه من عنصرية واضحة.
تطور الأمر؛ خاصة أن الفتاة التي منعت هي ابنة هبة قطب استشاري العلاقات الأسرية المعروفة، ما أدى إلى استهجان كبير من قبل الجهات المعنية للواقعة وعلى رأسها الدكتورة مايا مرسى رئيس المجلس القومي للمرأة.
ادعاءات باطلة
أطلقت دينا ادعاءات والتي أكدت في فيديو أثناء بكائها أنها لم تستطع ارتداء المايوه الشرعي الخاص بالمحجبات؛ بسبب قوانين النادي التي تصمم علي عدم نزول حمام السباحة بـ'البوركيني'، إضافة إلى وصف التعاملات في مصر بالعنصرية.
تفنيد الادعاءات
نشرت إحدى رواد مواقع التواصل الاجتماعي 'فيسبوك'، وتدعى مروة مراد منشور ردا فيه على فيديو دينا ابنة الدكتورة هبة قطب، والتي أرفقته بصور لها خلال تواجدها في مصر وارتدائها 'البوركيني'؛ دون أية مضايقات.
وقالت مروة مراد: 'أستاذة دينا أنت صعبت عليا لما لقيتك عايزة تروحي حمام السباحة بتاع بالم هيلز، وقلتي إنك من ساعة ما جيتي مصر من سنة وأنت مش عارفة تلبسي البوركيني أبو ٣٠٠ دولار، أنا قلت البنت عندها حق، مش عارفة تصيف، طلعتي مصيفة السنة إلي قعدتيها في مصر كلها يا أستاذة دينا بس قلتلنا وأنت بتعيطي بحرقة من عذابك في مصر: إيه القهر ده؟!!'.
وأضافت: 'طب فين القهر يا بنتي ده أنت لابسة البوركيني في كل حتة يا أستاذة دينا، طب أقولك على حاجة، تعالي البسي البوركيني في البانيو بتاعنا يا أستاذة دينا، واتصوري من حقك بردو'.
وأوضحت: 'عايزة تنزلي حمام السباحة كمان، طب ما تطالبي بتغيير القوانين في النادي يا أستاذة دينا، بما إنك عضوة يعني، بتعيطي ليه يا ماما، مقهورة، محرومة!! طب أقسم بالله احنا إلي مقهورين يا أستاذة دينا، عشان مبنرحش الحتت الحلوة دي زيك، ولا بنطير فالهوا زي العصفورة ونعوم فالبحر زي السمكة، عارفة لو واحدة فينا صورت نفسها بالمايوه التانكيني، مش البكيني، كتير كدة زيك هتبقى تاني يوم في النيابة يا أستاذة دينا، بتهمة إفساد الذوق العام يا أستاذة دينا'.
واختتمت: 'عيطي علينا يا أستاذة دينا، عيطي يا بنتي'.
تابعوا آخر أهل مصر على Google News
