فجرت الشاعرة الشابة أية عاطف مفاجأة ضد والد المغني حسام حبيب، عقب تسريب مكالمة مسجلة منسوبة له. وكانت مفاجأة اية عاطف أنه حاول معاكستها عبر رسائل نصية.
واقعة جديدة لوالد حسام حبيب
وروت أية عاطف عبر حسابها بموقع التواصل الإجتماعي 'فيسبوك'، تفاصيل الواقعة مستندة بذلك لعدد من السكرينات للمحادثة، وكتبت الشاعرة: 'من حوالي سنة كلمت والد المطرب والملحن (ح.ح) على الفيسبوك وطلبت منه يسمّع شيرين اغاني بكتبها، وطلبت رقمه عشان ابعتهاله واتساب لأن الاغاني متسجلة وحجمها كبير.. بعتلي الرقم، وبعتله على الواتساب الاغنية .. وده كان رده عليا'.
وتابعت: 'فضل يتصل بيا كتير جداً لحد ما عملت رقمه Spam عشان يبطل يجيلي حاجة منه .. انا وقتها سكت لأني قولت حرام اسبب أذى لأطراف تانية، ملهمش ذنب.. وعلى مدار السنة دي سمعت اقاويل كتيرة عن محاولة الاستيلاء على اموال الفنانة الكبيرة، لكن كنت بقول الله اعلم .. بس بعد التسجيل المنتشر ده، واللي فيه واقعة التعرف على بنت والكلام معاها .. اعتقد انه الصح اتكلم عشان كل واحد ياخد حقه وجزائه'.
أزمة شيرين عبد الوهاب وحسام حبيب
كان رواد موقع التواصل الاجتماعي قد تداولوا مقطعا صوتيا يقال إنه لوالد المطرب حسام حبيب زوج الفنانة شيرين عبدالوهاب وهو يتحدث مع فتاة يريد زواجها من نجله، موضحا خطة نجله للانفصال عن 'شيرين' بعد الحصول على ثروتها المالية.
وجاء في التسجيل الصوتي: 'ابني حسام بيتحكم بجميع حسابات شيرين عبدالوهاب وبيسحب كل ما يشاء من أموالها، وأيضا حسام ووالدته مبيحبوش شيرين عشان هي كمان كانت ترغب في الطلاق منه'.
وأضاف: 'حسام متزوج منها وبيشتغل معاها مدير أعمالها من المفروض بقى أنه يكون له نسبة من الأرباح مثل نسبة مدير أعمالها القديم ياسر خليل، أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن بنفسه جدا، وشيرين عامله لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها بس'.
وتحدث عن علاقة الكره بين شيرين عبدالوهاب وأسرته، وخاصة والدته حيث قال: 'إيمان أم حسام مش بتحب شيرين، إيمان تنكة، وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على إيه يا روح أمك ده أنا عزماكي وهتسافري على حسابي والفندق على حسابي'.
تابعوا آخر أهل مصر على Google News
