ردت صفحة 'حقوق المرأة' على اتهامات الفنان أحمد العوضي لها بأنها تدبر حملة ممولة للنيل من زوجته ياسمين عبد العزيز، وذلك بعد نشر تقريرا يشير إلى أن ياسمين عذبت خادمتها .
واقعة اتهام ياسمين عبد العزيز بتعذيب خادمتها
وقالت إدارة صفحة 'حقوق المرأة' في منشور لها على ' فيسبوك' للرد على العوضي: إحنا صفحة محترمة وبندافع عن حق المرأة، مهما كانت مين فقط وليس لنا أي أهداف اخري ولما نشرنا البوست اللى نزل نشرناه لأنه موثق بورق رسمي وحقيقي وغير كدة مكناش هننشره، وكمان من حق الفنانة المحترمة ياسمين عبد العزيز إنه تطلع ترد وتقول إذا كان الورق ده حقيقي واللى حصل ده حقيقي ولا لأ، مش تقول حملة ممولة وحملة مدفوعة والكلام ده !
ودافعت الصفحة عن نفسها وذكرت في منشورها: إحنا حملة مش مدفوعة ولا لينا مصلحة إلا الدفاع عن الحق، واحنا لسه عاملين الصفحة دي جديدة، بدل اللى اتقفلت لنا لأننا بنظهر الحقيقة، وعلشان كده بنعمل اعلان ليها. ولو مكناش أتاكدنا أن الكلام ده والورق ده حقيقي مكناش هننشره، واحنا حملة للدفاع عن حق المرأة والعنف ضدها، وأسوأ انواع العنف لما يجي من مرأة زيها والأسوأ لما تكون المرأة دي فنانة معروفة ومشهور ومعروف عنها كلام عكس اللى ظهر ده.
وذكرت إدارة الصفحة: البوست كان موضح كل شئ وأن الشغاله هربت من بيتها على السفارة الفيلبينية خوفا منها ولو كان الموضوع بسيط أو سهل مكانتش هتروح. والمجلس القومي للمرأة ونيابة المعادي يطلبوا احضار الفنانة ويتحقق معاها وهي تضطر تنهي المحضر بالصلح علشان خايفة على سمعتها لكن مش خايفه البنت حصلها إيه نفسيا وعصبيا.
وأضاف بيان الصفحة: مع احترامنا الكامل لأستاذ أحمد العوضي إنه بيقول مراتي خط احمر، لا يا استاذ أحمد الحق هو الخط الاحمر، مفيش حد خط احمر.. ولو كنت عاوز ترد كان ممكن ترد على اللي حصل ده حصل فعلا وحقيقي ولا مش حقيقي. بس اظن انك مش هتعرف تعمل ده لانك عارف إنه حصل وحقيقي وبمستندات، بدل ما تقول حمله مدفوعه والكلام ده. تقول إنه الورق ده مزور أو مفبرك ولكن ده ورق حقيقي ورسمي.الظلم لا يسقط بالتقادم. الظلم ظلمات ليوم القيامة. وسوف نوالي نشر الكتير من الرسائل الحقيقية مهما كانت ضد مين ! .
وكان قد علق الفنان أحمد العوضي، على ما أثير مؤخرًا، حول اتهام زوجته ياسمين عبد العزيز بتعذيب خادمتها، قائلا: 'طبعًا حملة التشوية ضد ياسمين معروفة ومعروف مين وراها'.
اتهام ياسمين عبد العزيز بتعذيب خادمتها
وأضاف أحمد العوضي في منشور له عبر صفحته الشخصية على 'فيسبوك': 'أنا لحد دلوقتي ساكت احترامًا للجمهور المحترم، لكن زوجتي خط أحمر، ده لكل من يتعمد تشويه ياسمين أمام المجتمع، وعدم ردي على كل التجاوزات، هو احترام للجمهور المحترم، وأعمالا لقول سيدنا عمر (أميتوا الباطل بالسكوت عنه)'.
وتابع: 'وإعمالًا لقول الأمام الشافعي، إذا خاطبك السفيه فلا تجيبه فخير من إجابته السكوت، حملات التشوية المدفوعة والمستمرة ضدي أنا وياسمين، ما هي إلا محاولات بائسة لن تجدي نفعا'.
تعليق أحمد العوضى على اتهام ياسمين عبد العزيز بتعذيب خادمتها
واختتم: 'فها هو خبر نشرته صفحة أعدت خصيصًَا لياسمين، تاريخ الصفحة من ثلاثة أيام، أنا لن أتجاوز احتراما للجميع، وأرجو من تسول له لنفسه لتشويه صورة ياسمين، الهدوء والراحة، ونبطل اللجان واللجان المضادة، والأفضل توفير كل هذا المال لأعمال الخير' .
تابعوا آخر أهل مصر على Google News
