حرص الفنان هاني شاكر، على توجيه رسالة يطمئن فيها جمهوره بعد خروجه من المستشفى إثر الوعكة الصحية التي تعرض لها مؤخرًا، مؤكدا أنها أزمة وعدت على خير وأنه فى فترة نقاهة خلال الفترة المقبلة.
هانى شاكر فى أول ظهور بعد شفائه
وقال شاكر، فى مقطع فيديو نشره عبر حسابه على إنستجرام: 'أنا بطمنكم الحمد لله بقيت أحسن، ربنا عدى الأزمة دى على خير، بدعائكم ودعاء الناس الطيبين اللى يعرفونى واللى مايعرفنوش، الفترة اللى جاية هتكون فترة نقاهة، وطول ما ربنا معايا وانتوا جنبى إن شاء الله ربنا ميجيبش حاجة وحشة أبدا'.
وتابع شاكر: 'أنا بس بطمنكم عشان الناس اللى بتستظرف وبتقول أخبار مش مظبوطة وتخض ناس كتير، وتعمل قلق على السوشيال ميديا عشان بس تعمل انتشار، حسبى الله ونعم الوكيل فى الناس دى'.
جدير بالذكر أن هاني شاكر طرح مؤخرا أغنية 'لو سمحتوا' عبر قناته الرسمية بموقع 'يوتيوب'، من كلمات تامر حسين، ألحان عزيز الشافعي، وتوزيع جلال الحمداوي.
تابعوا آخر أهل مصر على Google News
