حرص جمهور ومحبي الفنان تامر حسني، على تدخلهم في الأزمة الأخيرة التي صاحبت إطلاق كليب أغنية 'بحبك' من فيلم 'مش أنا'، بين تامر والفنانة حلا شيحة بطلة الفيلم، والتي حدثت بسبب رفضها للمشاهد الرومانسية التي جمعتهما ضمن أحداث الفيلم والتي وصفتها بأنها 'مترضيش ربنا'، ليقوموا بوضع الأغنية على مشاهد من فيلم 'البدلة' لتحل الفنانة أمينة خليل بدلًا منها.
الجمهور يعبر عن إعجابه باستبدال حلا شيحة بأمينة خليل
وعبر الجميع على مواقع التواصل الاجتماعي، عن إعجابهم الشديد بأغنية 'بحبك' على مشاهد فيلم 'البدلة' التي أدت بطولته أمام تامر حسني، الفنانة أمينة خليل، بدلًا من مشاهد حلا شيحة من فيلم 'مش أنا'.
وكتب أحد رواد مواقع التواصل الاجتماعي على الفيديو 'مش كدة أحلى'، وأضاف آخر: 'كده أحلى بكتير من غير حلا'.
حلا شيحة تهاجم تامر حسني
هاجمت الفنانة حلا شيحة في الساعات الأولى من صباح اليوم الخميس 15 يوليو، الفنان تامر حسني بعد طرحه لأغاني من فيلمه الجديد 'مش أنا'، والتي شاركته البطولة وظهرت خلال الأغاني وهي في أوضاع رومانسية مع تامر حسني.
رسالة حلا شيحة للفنان تامر حسني
كتبت حلا شيحة، عبر حسابها بموقع الصور والفيديوهات 'إنستجرام'، رسالة طويلة للفنان تامر حسني: 'انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه، اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي'.
وتابعت: 'احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة ومتاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى'.
وأضافت: 'انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا، الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا'.
واختتمت حلا شيحة حديثها للفنان تامر حسني، وكتبت: 'شوفه تاني يمكن يفكرك ان جواك اكيد في صراع و انا و كلنا، كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلا صَـٰلِحا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰت وَكَانَ ٱللَّهُ غَفُورا رَّحِیما}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد'.
تابعوا آخر أهل مصر على Google News
