أكد وائل شقيق الفنانة ياسمين عبد العزيز، أن حالتها الصحية مستقرة إلى حد ما، وستكون بين عائلتها وفي بيتها خلال أسبوع أو 10 أيام حسبما قال الأطباء.
مرض ياسمين عبد العزيز
قال وائل فى مداخلة هاتفية ببرنامج 'الحكاية' مع الإعلامي عمرو أديب: 'نقدر نقول إن ياسمين حالتها مستقرة إلى حد ما الفترة دي، والأطباء قالوا خلال أسبوع هتكون فى بيتها، ولكنها تعبانة ومحتاجة وقت نطمئن عليها أكثر، ولكن الحمدلله بقت أحسن كثير برعاية الأطباء ودعاء الجمهور'.وأضاف عن حالتها: 'هي قليلة الكلام لأن الموضوع متعب ومحدش بيزورها، لأن الزيارة ممنوعة عنها، وشكرًا لدعوات الناس واهتمامهم، وإن شاء الله ياسمين تطلع قريب وأنا عارف أنها قوية، واحنا مش بنحب نتكلم عن مرضنا وكنت مانع ظهوري أو كلامي فى أي قناة ولكن دي الحالة اللي اتكلمت فيها'.
وأردف: 'ياسمين مدخلتش فى غيبوبة زي ما طلعت إشاعات بس عملت عمليتين في المعدة وده مش حاجة سهلة ودخلت بعدها العناية فضلت فترة، وبعدها انتقلت لغرفتها وكان ممنوع عنها الزيارة'.
واستكمل: 'مقدرش أقول إن ياسمين ضحية خطأ طبي، فى نقابات بتكلمنا ولازم النقابات تتدخل فى الموضوع ده، والمهم عندي أن ياسمين تطلع، وده اللي يهمني فقط'.
تابعوا آخر أهل مصر على Google News
