قالت الفنانة نيللي كريم خلال مشاركتها في برنامج 'ET بالعربي'، في أول حديث لها بعد زواجها: ' الحب مفهوش حسابات أول ما تبدي تحسب وتهتم بكلام الناس، هيجيلك هلع، أنا بمشي بمبدأ أمشي مع قلبك وإحساسك وهو توفيق من ربنا'.
وتابعت: ' قرار مش سهل لأي رجل أنه يتجوز من نجمة ،خاصة لو راجل شرقي، وده بيحصل لما يكون الراجل عنده ثقة زايدة في نفسه مليون في المية، والناس تقول اللي عاوزة تقوله أهم حاجة إني مبسوطة وسيب الكلام للناس'.
وكشفت نيللي كريم عن سر السعادة التي تعيشها بعد زواجه،ا وهو ما بدا واضحًا من حديثها قائلة: ' هشام فيه ميزة بصراحة مش عاوزة اتكلم عليه كتير، لكن كل موقف بيقلبها بضحك وهزار، والضحك بيطول العمر لما كل حاجة بناخدها بطريقة فكهاية الحياة بتكون الطف'.
نيللي كريم توضح أفضل ميزة في زوجها
وصرحت نيللي كريم عن أفضل ميزة تحبها بزوجها هشام عاشور قائلة: 'أحلى حاجة في هشام حاجات كتير، مفيش ملل كل يوم الصبح مغامرات جديدة وحياة جديدة'.
علاقة زوج نيللي كريم بأولادها
أما عن علاقة زوجها بأولادها الأربعة ومخاوفها من العلاقة بينهما أكدت أنه صديق لأولادها، مضيفة: 'لم أشعر بخوف من ناحية أولادي وكنت واثقة إن علاقتهم بزوجي هتكون جيدة، لكنني كنت متخوفة من والدتي كنت قلقانة بس لقيتها أكتر حد تقبل الموضوع، لأن هشام في أول لقاء بينهما شغلها مزيكا وغنوا ورقصوا مع بعض، علشان كده حبيته على طول'.
واعترفت نيللي كريم لزوجها خلال اتصالها عن حبها الشديد له ،بمقطع أغنية للفنان اللبناني وائل كفوري قائلة: 'بعترف لك إني بحبك ودي أول مرة أحب وأنا كنت فاكر قلبي ألف مرة حب'.
فارق العمر بين نيللي كريم وهشام عاشور
يُشار إلى أن فارق العمر بين نيللي كريم وهشام عاشور 7 سنوات، فهي من مواليد 1974، فيما هو من مواليد عام 1981، ولم يسبق لهشام عاشور الزواج من قبل، بينما تزوجت نيللي قبل ذلك مرتين.
حفل زفاف نيللي كريم وهشام عاشور
وأقيم حفل زفاف نيللي كريم وهشام عاشور مساء الأربعاء 11 أغسطس 2021، في إحدى قرى الساحل الشمالي، وحضره العديد من نجوم الفن أبرزهم عمرو دياب وكريم فهمي ومحمد فراج وبسنت شوقي وأحمد السقا وحسن أبو الروس.
تابعوا آخر أهل مصر على Google News
