وائل عبد العزيز يثير الجدل: احنا بنتعرض لحرب ممنهجة واتقوا شري

آثار الفنان وائل عبد العزيز الجدل صباح اليوم، عقب كتابته منشور يوضح خلاله أنه يتعرض لحرب ممنهجة ومدفوعة الأجر منذ سنوات، مشيرًا إلى أنه سيقيم مؤتمرًا صحفيًا من الخارج لكشف كل الخبايا، وبدت هذه الرسالة غامضة للجمهور.

منشور وائل عبد العزيز على فيسبوك

وكتب وائل عبد العزيز عبر حسابه بموقع التواصل الاجتماعي 'فيسبوك': 'احنا بنتعرض لحرب ممنهجه مدوفعه الأجر بمبالغ ضخمه منذ أكتر من سنتين.. والحرب دي لو منتهتش في أقرب وقت هيبقي عليا وعلى أعدائي وساعتها محدش يزعل'.

وتابع: 'اتقوا شر الحليم إذا غضب أنا بقالي سنتين ماسك نفسي وقاعد في بيتي رغم إيرادتي وساكت على أمل ربنا يهديكم وتركزوا في نفسكم وتسبونا في حالنا وكنت بتعامل باحترام لاحتواء الموقف ونظرا لخطورة عقولكم.. اللي أنا أعرفها كويس'.

وأردف حديثه: 'لكن احنا بنتحارب إعلاميا وأنا في الشغل على جميع الأصعدة.. قريب جدا هعمل مؤتمر صحفي من الخارج وهكشف فيه عن كل حاجة وكلامي هيوصل لكل أجهزة الدولة واحنا مش قليلين ولينا جمهور كبير حول العالم العربي أجمع'.

واختتم وائل عبد العزيز حديثه قائلًا: 'عايشين في دوله قانون وتحت قيادة قائد قوي وقادر إنه يحمينا بعد الله عز وجل، وانا مبخافش وانتوا عارفين ده عني كويس جدا.. ده أخر تحذير ليكم انتوا واللي مشغالينهم.. كلامي مش عالفاضي وعندي إثباتات.. اتقوا الله وكفاية لحد كده واتقوا شري'.