تصدرت الفنانة سمية الخشاب تريند 'جوجل' بعد أن حلت ضيفة على 'أبلة فاهيتا' مساء أمس الجمعة، في برنامجها الشهير 'لايف من الدوبلكس'، المذاع عبر فضائية 'أون إي – on E'، وذلك بسبب تصريحاتها المثيرة والجريئة.
وخلال السطور التالية ترصد 'أهل مصر' أبرز تصريحت الفنانة سمية الخشاب:
1. اسمي بالكامل سمية سعيد السيد فتيحة الخشاب.
2. أنا من مواليد 20 اكتوبر برج الميزان.
3. العمر مجرد رقم، والأيام الحلوة اللي بنعيشها في حياتنا.
4. علقت في غرفتي بفترة طفولتي صور محمد منير، وميادة الحناوي.
5. بعرف أطبخ وبعمل الميك أب والشعر والخياطة والغناء والتمثيل.
6. أكتر حاجة بحب أطبخها المكرونة بالبشاميل.
7. كورونا أجمل حاجة حصلت في حياتي، وأحلى سنة استفدت منها لإني اتعلمت من قعدتي في البيت حاجات كتير.
8. فترة الحجر المنزلي استفدت منها في تعلم اللغة الإنجليزية والتنمية البشرية طورت مهاراتي بالسوشيال ميديا.
9. قعدة البيت مراحتش هدر، دخلت على السوشيال ميديا واللي تتجوز أباركلها واللي تطلق أواسيها.
10. أسماء الدلع التي يطلقها البعض عليها هي 'سوسو وسوكا وسمسم وسوسكا'.
11. ناس كتير اتصورت بالبرتقال، لكن صورتى قلبت الدنيا.
12. أفضل الارتباط برجل طيب ودمه خفيف ولذيذ وكريم وابن ناس ومحترم، بس يكون مش رغاي وبينجز في كل حاجة.
13. اتجوزت 5 مرات '5 في وش العدو'.
14. اكتشفت من تجاربي مع الزواج فيه رجالة بتفتكر إن الست الخدامة اللي ماما جابتهاله.
15. وزني دلوقتي 61 كيلو جرام، واسم امي 'لولو'، وجدتي 'محفوظة'.
16. انا مبحبش الحلويات ومش باكلها الطرشي أحسن.
17. اتعلمت من محمد رمضان إني مانامش.
تابعوا آخر أهل مصر على Google News
