إلهام شاهين عن سر تجنبها للسوشيال ميديا: "شغلانة اللي مالوش شغلانة" (خاص)

تعد الفنانة إلهام شاهين من الفنانات اللواتي لا تظهرن على صفحات السوشيال ميديا، عكس فنانات كثيرات من جيلها وجيل سبقها، فلماذا إلهام شاهين ليست متفاعلة على السوشيال ميديا؟.

إلهام شاهين والسوشيال ميديا

وفي هذا الصدد، قالت الفنانة إلهام شاهين في تصريحات خاصة لـ 'أهل مصر': 'سبب ابتعادي عن السوشيال ميديا هي أنني لا أحبها، فهي شغلانة الناس الفاضية، وأي حد هكون دمي تقيل على قلبه هيهاجمني'.

وتابعت: 'ممكن حد يقابلني وعايز يتصور معايا وأنا مليش مزاج وقولتله لأ، هيروح يشتمني على السوشيال ميديا فأنا ليه أوجع دماغي، والسوشيال ميديا لو أنا اهتميت بيها شخصيًا فلازم أرد وأتواصل وأنا عشان أتواصل لو رأي معجبنيش مش هسكت وهفضل أقنع فيه لحد ماهضيع عمري معاه وحقيقي صعب أدخل في الأجواء دي'.

إلهام شاهين في مهرجان أيام القاهرة للدراما العربية

وافتتحت الفنانة إلهام شاهين منذ أيام قليلة مهرجان أيام القاهرة للدراما العربية بدورته الثانية، حيث اختيرت رئيسا شرفيا للمهرجان، وذلك داخل المسرح الكبير بدار الأوبرا المصرية، وتم تكريم عدد كبير من نجوم الدراما التليفزيونية.