إلهام شاهين: "العلاقة الزوجية ليست جنسية فقط.. والست ممكن تجوز فوق سن الستين"

قالت الفنان إلهام شاهين، إن الست ممكن تتجوز لأي سن في الدنيا طالما هتتجوز حد مناسب لسنها"، موضحة"الناس لما تكبر بتبقى محتاجة الونس، ويلاقوا الشريك اللي يتعكزوا بيه على بعض، ولما يتعب تعطيه الدواء وتساعده".

وأضافت إلهام شاهين خلال مداخلة هاتفية ببرنامج "الحكاية" المذاع على قناة "mbc مصر": "العلاقة الزوجية مش جنسية فقط ومش هي دي ولكن فيه علاقة إنسانية أكبر بكتير ممكن يحتاجوها لما يكبروا، وفيه قصص حب كتير أعرفها بتبقى فوق الستين، وأنا عن نفسي ممكن أتجوز في أي وقت، والتفكير في إن العلاقة الزوجية جنسية فقط ده تفكير قاصر جدًّا".

وفي سياق آخر، قالت الفنانة إلهام شاهين، إنها توافق على التبرع بأعضائها بعد الوفاة، بدلا من أن يأكلها الدود وتذهب في التراب بعد وفاتها، قائلة: "ماعنديش مانع ياخدوا جثتي بعد ما أموت علشان ده خير للبشرية، وقلت لعائلتي إني بعد ما أموت عايزه أتبرع بأعضاء جسدى".

وأضافت إلهام شاهين، أنها تطالب بإنشاء جهة في الدولة تقنن التبرع بأعضاء الجسم بعد الوفاة، متابعه: "نفسي تنتشر هذه الثقافة، وإيه أهمية جسمنا بعد ما نموت.. هياكله الدود خلاص، لكن لو أنا أقدر أعيش حد من غير ألم ولا أدوية إيه المانع، ممكن حد ياخد الكلى وحد ياخد الكبد وحد ياخد قرنية العين، والجزء السليم عندي لأي حد أنا متبرعه بيه وشايفه إنه خير كبير وصدقة جارية لأني بساعد إنسان يعيش حياة كريمة".