عايدة رياض عن مشاهد الإغراء: مش ندمانة على أي عمل فني عملته (فيديو)

حلت الفنانة عايدة رياض، ضيفة على برنامج 'كلمة أخيرة' المذاع على قناة 'أون إي' تقديم الإعلامية لميس الحديدي.

علقت عايدة رياض خلال حوارها مع برنامج 'كلمة أخيرة '، على مشاهد المقاولات أو التجارية قائلة:'عملت أفلام مهمة وفي غيرها مش مهم ومش ندمانة على نوعية أفلام المقاولات لسبب بسيط هو الإجابة على سؤال يعني إيه أفلام مقاولات ؟ يعني الإنتاج الضعيف يعني أجري هيبقى ضعيف، مش معناها اني هاخد أجر أكثر.. الناس فاهمة أفلام المقاولات غلط'.

ورداً على سؤال لما هي مقاولات وأجرها قليل بتعمليها ليه قالت:'هفضل معتمدة على ثلاثة أفلام عملتهم مع الكبار وخلاص .. هعيش إزاي ؟!'.

وحول وجود أدوار 'إغراء' في هذه النوعية من الأفلام عقبت قائلة: 'أنا مش شايفاها إغراء الصراحة أنا شايفاها موضوع زي اللعب مع الكبار هل ده إغراء ؟! قصة موجودة في المجتمع فيه ناس بتحب بعض ومش عارفين يتجوزوا'.

وأضافت عايدة رياض: 'فيلم زي الكيت كات هل ده إغراء ؟! ده فيلم علامة في السينما رغم أن فيه قبلات'.