ساره نخلة تتعرض لعضة كلب وتشييد بمستشفيات مصر الحكومية: "لو بلد تاني كان زماني مسعورة (صور)

تعرضت الفنانة سارة نخلة، لعضة كلب، دخلت على إثرها إلى إحدى المستشفيات الخاصة لتلقي العلاج، لتتفاجئ بعدم وجود علاج فى المستشفيات الخاصة وتحويلها لمستشفي حكومي.

كتبت سارة نخلة عبر حسابها الشخصي عبر موقع التواصل الاجتماعي 'فيسبوك'، تسرد من خلالها كواليس تلقيها للعلاج فى احدى المستشفيات الحكومية قائلة:' 'الصبح عضني كلب، المهم روحت مستشفى خاص قالولي مش موجودة الحقنة ولازم اروح مستشفى حكومي، وبعدها روحت مستشفى زايد التخصصي، دخلت اقسم بالله خمس دقايق طوارئ، ادوني الحقنة و فاضل لسه أربعة وادوني ورقة فيها مواعيد الحقن الباقية'.

وأضافت: 'ولا مليم ولا مليم يا جماعة ومستشفى محترمة ودكاترة عارفين ربنا بجد، ولا يعرفوني أصلا عشان ماحدش يقولي عشان انتي ممثلة وكنت حاطة كمامة طول الوقت أصلا، انا بس عايزة اقول تحيا مصر الف مرة الف مرة، اقسم بالله لو اي بلد تاني زماني كنت مسعورة وراقدة جنب الكلب بهوهو وبتعشى معاه دراي فود'.