تردد في الساعات الماضية أن الفنان محمد نجاتي هو السبب في الأزمة التي نشبت بين الفنانة منة عرفة وزوجها محمود المهدي.
محمد نجاتي وأزمة منة عرفة
ونشر الصحفي موسى صبري عبر حسابه فيديو برفقة الفنان محمد نجاتي والذي حرص على توضيح الأمر، وقال: 'والله محصلش حاجة غير أني مسكت إيديها أقيس النبض، في تصوير مسلسل فيلا 101، والمفروض إني في المسلسل طبيب أمراض نساء، ولما أكشف عليها فأعرف إنها حامل، وكان لازم أعمل كدة، معرفش إنه هيكون سبب في خراب بيوت ناس، أنا مالي أنا'.
صلح منة عرفة وزوجها
ووجهت الفنانة منة عرفة، رسالة شديدة اللهجة لمنتقديها، بعد عودتها إلى زوجها الفنان الشاب محمود المهدي، وقالت منة عرفة عبر خاصية ستوري حسابها الشخصي على موقع تبادل الصور والفيديوهات الشهير 'إنستجرام': 'من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن لكن انتو يمكن عشان بتسمعوا عن بيوت بتتخرب كل دقيقة فا بقى أبغض الحلال عندالله بنسبالكم نكتة أو حاجة تتمسخروا عليها، رهان بتعملوه مع بعض على أننا مش هنكمل أو مادة خام للشماتة فينا'.
وتابعت منة عرفة: 'خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي اللي ربنا ما يكتبها على أي ست، مرحمتنيش ولا قدرتو أني في موقف لا احسد عليه وشمتانين فينا، قد إيه أنتو ناس متعرفوش ربنا ولا في قلوبكم رحمة اتمنوا الخير لبعض يا جماعة بلاش نشمت في بعض لكن دي غلطتي أنا أني شاركتكوا حياتي الشخصية'.
وأضافت: 'الإنسان بيغلط عشان يتعلم وأنا اتعلمت، ربنا يعينكوا على نفسيتكو الجحيم دي وعسى أن تكرهو شئ وهو خير لكم، يمكن الخلاف اللي حصل كشفلنا ناس كتير حوالينا كانو بيمثلو أنهم فرحانين لينا بس الحقيقي أنهم كانوا مستنيين أول مشكلة عشان يشمتو في كسرتي وخراب بيتي، والله رنا مش هينولهالكو وربنا يخليلي أهلي وزوجي و الناس اللي بتتمنالي الخير ووقفت جمبي و كلمة أخيرة للسادة الصحفيين ارجوكم كفاية بقى ارحمونا حرام عليكوا'.
عودة منة عرفة ومحمود المهدي
وقال محمود المهدي عبر حسابه الشخصي على موقع التواصل الاجتماعي فيس بوك: 'شكراً لكل واحد حاول يكون وصلة خير في حياتي وأمي وإخواتي وأصحابي وأهلي والناس، وغصب عني عدم ردي على الرسائل والاتصالات الفترة دي مشغول في تصوير وان شاء الله الأخبار الجاية كلها خير'.
وأضاف المهدي في حديثه قائلاً:'استنوني ان شاء الله في فيلم الفرصة قريب وفيلم 666 وفيلم رحلة دم قريبا.. الإعلان عنه ومسلسل فيلا 101 بنصور فيه وكل واحد اتمنالي التوفيق وقال كلمة كويسة بتمنالك الخير اللي انت اتمنتهولي'.
تابعوا آخر أهل مصر على Google News
