حل الفنان هاني شاكر نقيب الموسيقيين ضيفًا على برنامج MBC TRENDING، والذي تحدث خلال الحلقة عن الفنان محمد رمضان والقرار الذي وقع عليه بعدم الظهور بملابس عارية مجددًا على المسرح أثناء حفلاته.
هاني شاكر يتحدث عن محمد رمضان
قال هاني شاكر: 'محمد رمضان من حفلتين فاتو مضى إقرار وقالي أنه هيلتزم باللبس والكلام لكن واضح أنه ملتزمش. واحنا مش جهة منع في النقابة لكن في جهه مسؤولة عن اللبس والكلام وهي المصنفات الفنية هما المنوطين به ودكتورخالد عبدالجليل عنده الضبطية القضائية اللي يقدر ينفذ بيها أي قرار هو عايزه'.
وتابع: 'محمد رمضان عضو نقابة مينفعش لما يجي يقول أنا عايز اطلع على المسرح اغني اقوله لا زي ما أنا هاجي امثل هروح لدكتور أشرف زكي اقوله عايز امثل مش هيقولي لا متمثلش. وبالنسبة للبسه وكلامه أنا ده عملته كسابقة مني لمحمد رمضان لمصلحته وخوفي عليه لاني عايز انصحه بالافضل هو ملتزمش في جهات تقدر تحاسبه'.
وأضاف: 'مش كل حاجة في العالم تتعمل تبقى مناسبة لينا أنا واحد من الآفات بيسمعوه وبيشوفوه وبتكلم عن الفن اللي نفسي أوصله للناس وعايز ولادي واحفادي يشوفوها، اللون اللي بيقدمه محمد رمضان لون استعراضي ومش كل اللبس مناسب لينا في مصر ومش كل الأغاني مناسبة هو مش بيقول كلام خارج لكن كلامه فيه تفخيم وتمجيد لنفسه وكنت قلتله كدة بالصدفة في مكان وقلتله خد بالك إن مش لازم كل اللي تقوله إنك نمبر وأن بس هو ليه طريقه تفكير تانية'.
تابعوا آخر أهل مصر على Google News
