علق الفنان أحمد السقا، على الأزمة التي جمعته منذ فترة بالفنانة مها أحمد، التي وصفته هو والفنان أمير كرارة أنهما يُخدِّمان على الفنانة مي عمر في مسلسل نسل الأغراب، الذي عرض في سباق مسلسلات رمضان الماضي.
ورد السقا أثناء حواره ببرنامج 'حبر سري'، المذاع عبر قناة'القاهرة والناس'، أن مها أحمد وزوجها الفنان مجدي كامل عشرة عمر، وتابع:'ماشي يا ستي كنا بنخدم على مي عمر علشان تتنجم.. حقك تقولي كده'.
واضاف السقا قائلا: 'الواحد ممكن في لحظة عصبية لسانه يفلت ويبقى عنده ذلة لسان.. ممكن يكون عندها وجهة نظر صح إحنا مش عارفينها'.
يشار إلى أن الفنانة مها أحمد، شنت منذ فترة هجوما حادا على صناع مسلسل 'نسل الأغراب'، وكتبت عبر حسابتها على مواقع التواصل: 'عوضي على الله دى الجملة اللى دايما بقولها لما اتصدم في أشخاص.. الحكاية ياسادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن اصبحت بطلة المسلسل وبطلة الدعايه للمسلسل، وهما راضيين رغم أن طول عمرهم مبيعملوش كده مع أي زميله لهم أقربها أنا'.
وأكملت مها: 'النجم الأولانى بينى وبينه عيش وملح وزماله رشحت فمسلسل بطولته، وكان بيقنعني بدور ولما وافقت بعتولى دور تانى معرفوش دور متعملوش واحدة مبتداءه المفروض انه عارف قيمتى الفنيه وعارف إني إضافة له اتهرب مني وموقفش جنبي وباعني، رغم إن الكل عارف إني زي أخته (ندل)'.
وأضافت: 'أما التاني كان فبداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض، ما هي الحوجة مرة رد وقالي الدور بينادي صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب.. وقلت ( عوضى عليك يارب)'.
واختتمت حديثها: 'تمر الأيام والاتنين يعلو ويتجمعوا مع بعض فمسلسل واحد( على عينهم طبعا)، ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتيه للأستاذة) .يمهل ولا يهمل.
تابعوا آخر أهل مصر على Google News
