كشف الفنان والإعلامي خالد عليش، حقيقة الأخبار التي تداولت عن وجود مريض يعاني من متحور كورونا الجديد المعروف باسم 'أوميكرون'، وذلك في الطائرة التي كان يستقلها في رحلة العودة من شهر العسل.
وكتب خالد عليش عبر حسابه الشخصي على موقع فيس بوك:'السادة الزملاء من الصحفيين و الإعلاميين أنا مقدر جدا لجهودكم انكم توصلوا لمعلومة في إطار إنكوا بتطمنو علينا، بس الواقع هو إن إحنا الحمد لله كويسين ..حقيقي ماكنش في داعي للعناوين الرنانة والمصطلحات الغريبة ' شهر العسل قلب غم ' ' محتجزين ' ' شهر العسل باظ ' ..لحد الوقت اللي بكتب فيه ده'.
وتابع قائلاً:'أحنا بخير و الاجازة بتاعتنا زي ما هي خلصناها قبل الميعاد بيوم بس و البرنامج السياحي عملناه كله و راجعنا الحمد لله و عملنا تحليل في مطار القاهرة قبل الدخول تطبيقا للإجراءات الوقائية الجديدة اسمه ID NOW
و طلع سلبي الحمدلله و هنستكمل الإجراءات الاحترازية اللي تم ابلاغنا بيها من الجهات المختصة ..المصريين يقدرو يروحو و يجوا جنوب أفريقيا عادي مع إجراءات وتعليمات، لأن مصر الطيران لغت رحلة واحدة بس اللي بتيجي و تروح جوهانسبرج و دي مكانتش طيارتنا اساساً'.
واضاف خالد عليش قائلاً:'ليه عايزين نكد و غم بالعافية، أحنا بننزل ستوريز و بنضحك و مبسوطين، ليه مصممين أن أحنا في نكد، الستوريز و الصور اللي بنزلها مش عشان تاخدوها تعملو عليها خبر ' شاهد خالد عليش بيشرب عصير برتقال 'ما ذنب القارئ ومدى الإفادة !!اخر خبر نزل من شوية ' اول مصري مصاب بالسلالة الجديدة علي طيارة خالد عليش '..اولا انا مالي بتحط اسمي في الخبر ليه ؟..ثانيا معلوماتك غلط دي احتمال تكون الطيارة اللي قبلي بس الاكيد إنها مش طيارتي..طيارتي فيها ١٢ راكب فقط جايين من جنوب أفريقيا كلهم طلعو سلبي..اخيرا نتمني السلامة للجميع و اتباع الإجراءات المتبعة من الجهات المعنية'.
تابعوا آخر أهل مصر على Google News
