هند صبري تكشف أسباب تقديم مسلسلها الجديد "البحث عن علا"

كشفت الفنانة التونسية هند صبري خلال ندوتها المقامة حالياً في مهرجان القاهرة السينمائي الدولي في دورته الـ 43، أسباب مشاركتها في مسلسل 'البحث عن علا'، بعد مرور 11 عاماً على تقديمها شخصية علا في مسلسل 'عايزة أتجوز' الذي عرض في شهر رمضان عام 2010.

البحث عن علا

وقالت هند صبري :'مسلسل 'عايزة أتجوز' لما اتعرض في البداية اتشتمنا أول منزل في رمضان والناس مكنتش مبسوطة وقاله ايه البنت دي وبتقول ايه؟.. وليه نتريق على موضوع الجواز؟.. ونبين أنه ما هوش حاجة مهمة للست؟..كان فيه تحدي كبير أنه يعدي على الناس بابتسامة وضحكة وإجتماعياً ساب اثر، ولما المخرج طارق الجنايني قال يلا نعمل المسلسل حسيت أن الضحكة اللي نابعة من أنك تضحك على نفسك في حاجة بحياتك أقصر طريق أن أنت تأخد بالك'.

وتابعت: كنت ديما نفسي أعدي مع علا بكذا حاجة ونتخطى أنا وهي مع الجمهور اللي حبها حاجات اجتماعية سهل نتخطاها بشخصية زيها والناس حبتها وعندهم خلفية معاها وحسو أنها أختهم أو قريبة ليهم وفيه عمار بين الناس وعلا، وكان نفسي نشوف منها حاجات كتير مختلفة، ده اللي خلاني لما منصة نتفلكس تكلمني على مسلسل فكرت في علا أول حاجة'.

وأضافت: 'البحث عن علا مش جزء تاني لعايزة أتجوز، احنا خدنا علا عبد الصبور (هند صبري) وسهير أمها (سوسن بدر) وعملنا البحث عن علا'.

يشار إلى أن فعاليات مهرجان القاهرة السينمائي الدولي في دورته 43، بدار الأوبرا المصرية، بدأت يوم الجمعة، ويستمر في الفترة من 26 نوفمبر إلى 5 ديسمبر 2021.

وتعقد فعاليات مهرجان القاهرة السينمائي الدولي في الدورة الــ 43، مع اتخاذ كل التدابير الاحترازية وفقاً لإرشادات الحكومة المصرية ومنظمة الصحة العالمية، من أجل ضمان سلامة صُنَّاع الأفلام المشاركين والجمهور وفريق المهرجان.