كشفت الفنانة شريفة ماهر تفاصيل أزمتها الأخيرة مع أبنائها ومحاولة الاستيلاء على أموالها، وذلك في لقائها ببرنامج '90 دقيقة'، على قناة المحور، الذي تقدمه الإعلامية بسمة وهبة.
وقالت شريفة ماهر في حديثها: 'وزعت جزء كبير من ميراثي.. شريف وطارق شتموني.. شريف زقني مرتين ودراعي اتكسر من 4 سنين، ولادي أخدوا كل اللي حيلتي.. وشريف قالي هقلعك هدومك.. بنتي ناهد مش حنينة وقلبها جامد علي منها لله وقلبها أجمد من أخواتها ومسألتش علي، وشريف طول عمره بيحب الفلوس أكتر من أبوه وأمه'.
وتابعت قائلة: 'في فيلم أعز الحبايب الفنان شكري سرحان ضربني بالقلم وعيني نزلت دم.. ومبقتش أشوف كويس..وابني شريف استغل ده وكان بيمضيني على العقد وكتير أوي، مضاني على 4 عقود معرفش ايه موجود فيهم'.
وأضافت بحزن قائلة: 'مش هشتكيه وربنا هيجيب لي حقي.. وطلب مني يروح يقعد معايا في شقة جاردن سيتي.. ومضاني وأنا مش بشوف على حاجتي مش بتاعتي وهي الشقة دي الإيجار.. وأبوه قبل ما يموت قالي هأمنك عشان شريف لما هموت هيقلعك هدومك وفعلا طول عمره بيعبد الفلوس.. ومكنتش أتخيل إنه يعمل في كده، بقاله 9 أشهر مسألش عليا'.
وأكملت:'طردنى من شقتى الإيجار، ودلوقتى قاعدة فى عمارة كاتباها باسم بنتى نيفين، وحد قال لى إن شريف طلب الفيلا من الشهر العقارى رغم إن نيفين مسجلاها، وفعلا استولى عليها وخان الأمانة'.
تابعوا آخر أهل مصر على Google News
