أكد الفنان محمد رشاد، حقيقة ارتباطه قائلا: إنه سيقوم بتحديد موعد الخطوبة خلال الفترة القادمة.
يأتي ذلك بعد عام من انفصاله عن الإعلامية مي حلمي ، وبعد أن أثار محمد رشاد التساؤولات مؤخرا بمشاركته قصصا على 'انستجرام' تتضمن بعض الأغاني الرومانسية المصحوبة ببعض العبارات مثل 'أحبك' 'ونويت الدنيا معاك تتعاش..' وغيرها من التلميحات، تحدث 'رشاد' من خلال برنامج Et بالعربي عن أجدد أغانيه، كما أجاب على تعليقات المتابعين، حول توجيهه رسائل إلى طليقته مي حلمي، وذلك بعد عام على انفصالهما.
وأضاف: 'مش بوجه رسائل مبطنة لحد، الموضوع مش مقصود، الفكرة إن ربنا بيبعتلي حاجة في الوقت ده، والناس بتربط الأحداث ببعض، وده مش حقيقي، وأغنية أنا مش شمتان؛ ملهاش علاقة بأي حاجة'.
وواصل: 'بتضايق من تعليقات الناس، إنك لما تكون في حته تانية ومركز في شغلك، تلاقي الناس مصممة تربطك بحاجة تانية، وأنا كـ محمد رشاد، مهتم إني أسمع وأنفذ أغنية حلوة بشكل محترم، وماليش دعوة الناس هتستقبل الأغاني إزاي، عشان أنا بركز في الأغنية اللي بعدها'.
وتابع: أغنية ابن الأصل، بتتكلم عن الشخص اللي بيتعامل بالأصول، وبيقابل ناس مش حلوة في حياته، ومش بتتكلم عني، إنما دي حالة عامة ممكن يعيشها أي حد.
تابعوا آخر أهل مصر على Google News
