سمية الخشاب عن حلاقة شيرين لشعرها:"اتصدمت ومفيش حد يستاهل"

علقت الفنانة سمية الخشاب، على ظهور الفنانة شيرين عبدالوهاب، ومفاجأتها للجمهور بحلاقة شعرها بشكل كامل وذلك عقب طلاقها من حسام حبيب.

قالت سمية الخشاب خلال لقائها ببرنامج «حبر سري» المذاع على قناة «القاهرة والناس»:«لما شوفتها وهي حالقة شعرها أنا اتصدمت، لأن زمان لما تقص شعرها كان بيكون جوزها مات في الحرب فبتقص شعرها حزن عليه، والتصرف دا ليه كذا تفسير نفسي، وشيرين جميلة بشكلها وإحساسها وإحنا بنعشقها وهي قوية لأنها برج الميزان».

وأضافت: «ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول».

يذكر أن سمية الخشاب شاركت في الموسم الرمضاني الماضي بمسلسل 'موسى' مع محمد رمضان وهبه مجدي وغيرهم نخبة من النجوم.