سمية الخشاب لأولياء الأمور: «مش كل اللي جابوا درجات نهائية بقوا حاجة»

وجهت الفنانة سمية الخشاب، رسالة إلى أولياء الأمور بالتزامن مع امتحانات الثانوية العامة، عبر حسابها الرسمي على موقع التدوينات القصيرة «تويتر».

وقالت سمية الخشاب:'ياريت الأهل ميشدوش على عيالهم لو جابوا تقدير قليل أو درجات مش كويسة عشان مش كل اللي جابوا تقديرات عالية أو الدرجات النهائيه بقوا حاجة!!!.. نفسية عيالكم مش لعبة'.

وأضافت:'ياريت أولياء الأمور والأهل ميضغطوش على عيالهم ويعملوا المقارنات دي زي 'شوفي بنت خالتك شاطره ازاى وجايبه كام' أو 'شوف أبن عمك بيشتغل فين وأنت فاشل' و 'ياريتك زي فلان' عشان انتوا الأهل شايفين الناس دي من برا ومتعرفوش أنه بنتكم أو أبنكم ممكن يبقوا مميزين في حاجة تانية أكتر منهم'.

وتابعت:'عشان لما تبوظوا نفسيتهم بتيجوا تندموا فى الأخر وعلى فكرة هما بيبينوا أنه عادي بس الحاجات دي بتأثر فيهم جدا وممكن تقلل ثقتهم في نفسهم او توصلهم، أنهم يكرهوا نفسهم ويكتئبوا وكل ده أصلا على مفيش، لأن أكيد عندهم حاجه مميزة وأفضل من الحاجة اللي عند الناس اللي بتقارنوهم بيهم'.