نيقولا معوض: ندمان لعدم مشاركتي بـ"أصحاب ولا أعز"

كشف الفنان نيقولا معوض، أسباب اعتذاره عن فيلم 'أصحاب ولا أعز'، بعد أيام من عرضه على منصة 'نيتفلكس'، والذي كان مرشحا للمشاركة في بطولته، ولكنه اعتذر عن المشاركة في الفيلم المثير للجدل.

وكتب نيقولا، معوض عبر حسابه الشخصي بموقع التواصل الاجتماعي 'فيس بوك'،: 'يلي متابعيني مليح بيعرف أنو ما بحياتي اعتذرت عن دور وبعدين طلعت قلت هيدا الدور كان إلي، مع اني ما بلاقيها غلط بالعكس بلاقيها شغلة كتير عادية وما فيها أي انتقاص لا من الدور ولا من الممثل يلي اخد الدور'.

وتابع نيقولا،: 'بس اليوم مع كل الجدل يلي عم نشوفوا حول فيلم أصحاب ولا أعز، كتير حابب قول إنو كان المفروض كون واحد من ممثلي الفيلم، وكمان حابب قول إنو سبب اعتذاري ما الو علاقة أبدا بالجدل الجاهل العقيم يلي عم نشوفوا حاليا'.

وأوضح نيقولا،: 'اعتذرت لأنه ظروف كورونا، خلت التصوير يتأجل أكتر من مرة، وكان عندي ارتباط مسبق بتصوير خارج لبنان فاضطريت انسحب من المشروع، وأنا عارف مسبقا اني كتير رح إزعل لما شوف الفيلم، وكنت مفكّر حالي رح إزعَل بَسّ لانو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل إنسان اشتغل قدّام الكاميرا وورا الكاميرا تحت إدارة المخرج يلّي بحبّو كتير وِسام سمَيرة، بَسّ اليوم لقيت حالي زعلان لأسباب تانية'.

وأردف نيقولا،: 'زعلان لأنه هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، تحية من القلب لكل حدا اشتغل على هالفيلم ولكل إنسان مؤمِن بِفَنّ حرّ و مُستقِلّ، وبعرِف رح يكون في كتير تعليقات سلبيّة، كان في ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن، وكتير بحترم مشاركتُن بهالعمل، وواجِب عليّي وعا كل إنسان بفَكِّر متلنا انو يوقف بصَفن، وبعتذر سلف عن عدم الرَدّ'.

وفيلم أصحاب ولا أعز، هو النسخة العربية من الفيلم العالمي الايطالي الشهير Perfect Strangers، الذي حقق أرقاما قياسية في عدد مرات النسخ حول العالم بإجمالي 18 نسخة حول العالم، ليصبح فيلم أصحاب ولا أعز النسخة رقم 19.

وتدور فكرة فيلم أصحاب ولا أعز، في قالب درامي تشويقي، حول حدوث خسوف كلي للقمر، والتقاء عدد من الأصدقاء لرؤية هذه الظاهرة، وفي أثناء سهرتهم يلجأون إلى لعبة تتسبب في اكتشاف العديد من الأسرار، ليشعروا أن القمر له تأثيره عليهم وعلى ما حدث بينهم في فيلم أصحاب ولا أعز.