ويجز: طفولتي كانت قاسية وعمري ما تخيلت إني هغني

قال مطرب الراب ويجز، إن طفولته كانت مليئة بالقسوة، لافتاً إلى أن تلك المرحلة هي التي كونت شخصيته التي يظهر بها حالياً.

وأضاف ويجز أثناء لقائه مع الإعلامي أنس بوخش في «AB Talks»، أن لديه 6 أخوات ليسوا أشقاء وكل شخص في أماكن مختلفة، وتابع:'إمبارح كان عندي حفلة والنهارد فيه هدوء في حياتي.. أنا عندي مشكلة مع الهدوء، لو هدوء كتير بيتحول عندي مشكلة ومحبوش لأني مش بتاع قعدة في البيت خالص'.

وتابع ويجز حديثه قائلاً، إن طفولته كانت قاسية، وكان كثير التنقل بسبب ظروف عمل والده، وأكمل قائلاً:'عملت مليون حاجة وعمري ما تخيلت إني هغني وبعدين جاتلي فرصة وبقيت أغني دلوقتي'.

وواصل قائلا: 'مكنتش مخطط أكون مغني.. كنت قبل كده بحب اكتب وأسمع مزيكا وأتفرج على ماتشات الكورة مع الشباب لأني مبعرفش ألعب.. أنا عندي مبدأ أنا مش عايز حاجة .مش عايز جنيه زيادة ومش عايز أي حاجة، فاكر إن بيبقى معايا 20 أو 50 جنيها في اليوم، بس عمري مهقول لحد هات وهتعايش مع ظروفي'.