غادة إبراهيم:"أنا ست مثيرة وبحب تضاريسي وملامحي.. ولما بخس جمهوري بيزعل"

كشفت الفنانة غادة إبراهيم عن عدة تفاصيل من حياتها الشخصية، قائلة:' الجمهور بيحب تضاريسي ووزني، ولما بخس الجمهور بيزعل، وبينصحوني إني أعود كما كنت'.

وأضافت الفنانة غادة إبراهيم في لقائها مع الإعلامية ياسمين الخطيب عبر قناة 'النهار'، 'أنا ليه مكونش غادة إبراهيم، أنا ست مثيرة وبقدر أعمل كوميدي واستعراض وغناء، ومش شبه حد، أنا بحب نفسي بحب تضاريسي وملامحي، عايزة أفضل زي ما أنا كده، لما بدخل أي مول وأكون خاسة الجمهور بيقولي إنتي خسيتي ليه إحنا عايزينك بطبوطة'.

وتابعت:'إنها تلقت عرضا بالزواج بعد طلاقها من أقرب أصدقاء زوجها ورفضت، موضحة،'كل الرجالة اللي بتخون، زوجاتهم زي القمر وشيك وأمهات حلوين أوي، ولما تسألي الراجل إنت بتخون ليه، يقول دناوة'.

واستكملت حديثها، أحيانا بيبقى الراجل ارتبط في مراهقته بالشغالة، فخلاص كده بتفضل ريحة الشغالة مسيطرة عليه يشوف شغالة عايزها علطول، حتى وهو متجوز هانم، ومعظم الرجالة اللي بتخون زوجاتهم بتكون زوجاتهم هوانم'.

غادة إبراهيم ممثلة مصرية ولدت في عام 1972، حيث إستهواها الفن منذ صغرها، فتلقت دروسا برقص الباليه والعزف على البيانو وعلى العود في الاسكندرية. بدأت التمثيل في سن الشباب، حيث كانت مشاركاتها الاولى في الاعلانات، لتنطلق من بعدها في المجال التمثيلي التلفزيوني مع النجمين غادة عادل وياسمين عبد العزيز. وتوالت من بعدها الأعمال الفنية الناجحة.