«يارب إحنا غلابة».. نجوم الفن يتفاعلون مع مباراة مصر والسنغال

تفاعل عدد من نجوم الفن عبر حساباتهم على مواقع التواصل الاجتماعي، مع اللقاء المنتظر بين منتخب مصر والسنغال، في نهائي كأس الأمم الأفريقية المقامة في الكاميرون، والذي ينطلق في التاسعة من مساء اليوم.

آسر ياسين

'أياً كانت النتيجة،عندي يقين أن منتخبنا هايشرفنا النهاردة'.

نبيل الحلفاوي

'إخواتنا الأفارقة من لاعبي السنغال..فيه لعيبة من عندنا هيمثلوكم بعد بكرة مع بطل أمريكا الجنوبية.. الـ Fair play ياشباب. وكمان كابتنكم وكابتنا اخوات'.

محمد ثروت

'يارب إحنا غلابة .. معانا ٧ بطولات بس'.

A post shared by Mohammed tharwat (@mohammedtharwatofficia1)

صلاح عبد الله

'يارب النصر لمصر'

المخرج عمرو عرفة

'يا ريت الناس اللي ملهاش في الكورة تخلي عينها على البنزين وقت الماتش'

يارا

'مصر تكسب الليلة وتكمل أن شاءالله'.

محمد على رزق

'يارب أنصر منتخب مصر بكرة..الجيل ده يستحق لأنه عمل معجزة مش علشان كسب كوت ديفوار والمغرب والكاميرون على أرضها وفي ظل عهر تحكيمي واضح للي ملوش في الكورة حتى، المعجزة إن الجيل ده كلنا كان عندنا حالة عدم ثقة فيهم بنسبة ١٠٠٪؜، وقدروا يخلونا واثقين فيهم إنهم ممكن لو لاعبوا مين هايكلوه و هيموتوا نفسهم علشان يكسبوا بنسبة مليون٪؜، قدروا فوقت قصير يبنوا جبل ثقه و يخلوا الناس كلها ورا المنتخب بعيد عن الانتماءات'.