واسى عدد كبير من نجوم الفن عبر حساباتهم على مواقع التواصل الاجتماعي، لاعبي منتخب مصر بعد الخسارة من منتخب السنغال بركلات الترجيح 4/2، في نهائي بطولة كأس الأمم الأفريقية المقامة في الكاميرون.
أحمد العوضي
رب ضارة نافعة..ألف شكر لابو جبل وكل اللاعيبه ويمكن ده حافز لينا اننا نكسب السنغال في التصفيات ونصعد كأس العالم ..يمكن لو كنا كسبنا كان ممكن يحصل العكس .. أن شاء الله اللاعيبه والجهاز يقدرو يعدو السنغال في مارس ونفرح الفرحه الكبيره بالتأهل لتصفيات كأس العالم'.
محمد على رزق
'شكراً لكل لاعب في المنتخب كنتم رجالة…أنتم فنظرنا أبطال'.
مصطفى شعبان
'أبو جبل البطل و كل الاحترام والفخر بالمنتخب..فخور بمنتخب بلدى مصر'.
حمزة نمرة
'فخور بالمنتخب المصري والأداء البطولي في مباراة كبيرة وصعبة..أحسنتم وإن شاء الله البطولة القادمة لينا..مبروك لمنتخب السنغال المحترم'.
شريف رمزي
'ألف مبروك لمنتخب مصر العظيم شرفتونا بكل ما تحمله الكلمة من معني أنتم أبطال بمعني الكلمة و اللي جاي أحلي إن شاء الله'.
أمير طعيمة
'تحملتم ما لا يتحمله بشر، رجالة و عملتم اللي عليكم..دموعكم غالية علينا و رفعتم راسنا..الحمد لله على كل شئ'.
يارا
'هاردلك يا أم الدنيا ، قدم المنتخب المصري آداء عظيم يستحق الكأس ولكن قدر الله وما شاء فعل والله مصر أبطال بدون كأس.. أداء مميز يرفع الراس رغم كل الإصابات والصعوبات شرفتوا العرب'.
مي كساب
'شكرا رجال مصر المقاتلين منتخب مصر رجال شرفتونا وتعبتو جدا جدا طول البطوله وكنتم أد المسؤولية قدر الله وما شاء فعل مش آخر البطولات'.
لطيفة
'بصراحه اداء بطولى وعالمي للمنتخب المصرى فخورين بكم يا فراعنة ويا جبل مايهزك ريح '.
'لعيبة رجالة.. منتخب مصر منتخب بلدي عملتوا اللي عليكوا .. أبو جبل عالمي و كل لاعب عمل اللي عليه و القادم افضل ان شاء الله'.
هشام ماجد
'مصر كلها فخورة بيكم … كأنكم خدتوا البطولة و زيادة'.
محمد هنيدي
'هاردلك .. فخورين بمنتخبنا اللي قاتلوا لآخر ثانية '.
تابعوا آخر أهل مصر على Google News
