منة فضالي: «كنت هتبنى طفل أمه رمته لكنه مات»

شاركت الفنانة منة فضالي، عبر حسابها الرسمي على موقع «فيسبوك»، صورة طفل رضيع، كاشفة عن نيتها تبنيه، بعدما تركته والدته بعد الولادة مباشرة، لكنه مات بسبب إصابته بالصفراء.

وقالت: 'الولد ده اتولد من ٥ ايام امه خلفته في مستشفي في الفيوم وقالتلهم انا مش عاوزاه ارموه في الشارع الممرضه صعب عليها خدته تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحده تانيه بتشتغل معايا في البيت اختها اخدته تربيه سافرت الفيوم واخذت الولد وودته لدكتور طلع عنده الصفره بتقولي النهارده قولتلها هاتيه انا هتبناه لاني نفسي يبقي عندي طفل'.

وأضافت 'من شويه بتكلم اختها قالتلها الولد مات بعد ما ابتديت اخد اجراءات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي'.

وتابعت: 'انا بكتب البوست ده لاني فعلا موجوعه من قلبي وكنت فرحانه اني حاخد الولد بس ربنا مش رايد.. ربنا يرحمك برحمتو وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها'.