حمو بيكا للمتنمرين عليه: «ربنا لو خدني هستريح أحسن ما أعيش مش عارف أخد حقي»

وجه مؤدي المهرجانات الشعبية حمو بيكا، رسالة جديدة، في أول ظهور له بعد تعرضه منذ أيام لوعكة صحية، ونقله الى إحدى المستشفيات عقب حلوله ضيفًا ببرنامج كلام الناس على «قناة إم بي سي مصر».

أول ظهور لحمو بيكا بعد نقله للمستشفى

وقال حمو بيكا، في بث مباشر عبر حسابه بفيسبوك:'اللي اتنمر عليا في شدتي حابب أقولك ربنا يسامحك ومشوفش فيك أي حاجة وحشة.. أنا الحمد لله ماشي على علاجي وربنا ما يكتبه على حد التعب اللي أنا فيه، بتتنمر على أيه مش فاهم؟ عشان كرشي ربنا ما يكتبها عليك، وبشكر كل أخواتي وصحابي وقرايبي وأهلي ودنيتي اللي سألوا عليا في شدتي'.

وأضاف حمو بيكا:'الأيام الجاية حلوة بإذن الله طول ماأنتوا في ضهري مكمل المشوار، الناس غلطت فيا وقالت ربنا يخده ربنا لو خدني هستريح والله، جوا مني هستريح، أحسن ما أعيش مش عارف أخد حقي، شوف حياتك وأجري ورا حلمك وبلاش تنمر على الناس استفدت أيه لما تنمرت عليا وشتمت فيا؟'.

واختتم حمو قائلاً:'حسبي الله في كل واحد قال عليا كلمة وحشة ربنا يسامحكوا ويهديلك نفسك عشان ده مرض، واللي مش فاهم مرض كرونز يخش يبحث عنه ويعرف عنه كل حاجة'.