علق أندرو محسن، مدير المكتب الفني لمهرجان القاهرة السينمائي، على الجدل الدائر مؤخرا حول فيلم «بشتقلك ساعات»، والذي يناقش المثلية الجنسية، بعد عرضه يوم 11 فبراير الجاري، خلال فعاليات الدورة الـ 72 لمهرجان برلين السينمائي.
فيلم بشتقلك ساعات
وقال أندرو عبر حسابه بموقع فيس بوك: 'مافيش أفلام بتمثل بلادها في المهرجانات، يمكن يكون الاستثناء الوحيد هو الأوسكار (اللي هو مش مهرجان)، لأن في الأوسكار فيه لجنة محددة من كل دولة بتختار فيلم يشارك باسم الدولة فعلًا، والترشيحات بعد كده بتبقى مكتوبة باسم الدولة'.
واضاف أدرو قائلا: 'عبارة الفيلم الذي يمثل مصر بتستخدم مجازًا كده، لكنها غير دقيقة، الفيلم بيمثل نفسه والأشخاص المشاركين في صناعته، وهما اللي بيسجلوا الفيلم، ومش معنى إن المنتج أو المخرج من مصر يبقى الفيلم بيمثل مصر'.
فيلم بشتقلك ساعات بمهرجان برلين السينمائي
وتابع: 'أعتقد ده ليه علاقة بأنه غالبًا بيكون فيه فيلم واحد بس مشارك من مصر في المهرجانات الكبيرة، عشان كده فيه ناس بتستخدم المصطلح ده، بس مش هتلاقي مثلًا حد في فرنسا ولا إيطاليا ولا أي دولة عندها عدة أفلام في كل مهرجان بتقول إن ده الفيلم اللي بيمثل دولتهم، لأن مافيش حاجه اسمها كده'.
واختتم بقوله: 'بالنسبة لفيلم (بشتاقلك ساعات) المشارك في قسم Forum في برلين، فهو فيلم من إنتاج مصري لبناني ألماني مشترك، وهو بالتأكيد مش بيمثل مصر ولا لبنان ولا ألمانيا، والأهم من كده إنه مش الفيلم العربي الوحيد زي ما فيه كذا حد كتب، فيه فيلم قصير من الصومال Will My Parents Come to See Me للمخرج مو هراوي، وفيه الفيلم القصير Gazing... Unseeing إخراج محمد عبدالكريم إنتاج مصر وهولندا، وفيه أفلام طويلة تانية مشاركة في إنتاجها دول عربية زي فيلم See You Friday, Robinson اللي فيه إنتاج لبناني'.
قصة فيلم بشتقلك ساعات
وأثار فيلم بشتقلك ساعات جدلت بسبب قصته التي تدور في إطار المثلية الجنسية، من خلال تناول قصة حب تجمع بين رجلين، استخدم فيها المخرج مزيجا من الحكايات والقصص التراثية والشعبية العربية، مع استبدال المرأة في العلاقات برجل؛ لتكون العلاقة بين رجلين وليس برجل وامرأة.
«بشتاقلك ساعات» فيلم من بطولة كل من سليم مراد، ونديم بحسون، ودنيا مسعود، وأحمد الجندي، وحسن ديب، وأحمد عوض الله، وريتشارد جبريال جرش، هو إنتاج مصري لبناني ألماني، وشارك في إنتاجه كلا من محمد شوقي حسن، وماكسيميليان هاسلبرجر، وهشام مارولد، وكريم مارولد، وبالتازار بوسمان، من إخراج وسيناريو المصري محمد شوقي حسن.
تابعوا آخر أهل مصر على Google News
