تداول منذ أيام، على مواقع التواصل الاجتماعي، فيديو لعريس يقوم بضرب زوجته قبل حفل الزفاف، ما أدى إلى إثارة الكثير من الجدل بين المواطنين والإعلامين والمشاهير، حيث استفز العريس الجمهور، بعبارات فجة، قائلًا: 'الضرب عندنا في العيلة عادي، إحنا صعايدة، والستات بنضربها عادي، ده شيء طبيعي عندنا، والناس كلها عارفة ده'، فيما جاءت ردود الأفعال مستنكرة تلك العبارات.
ويرصد «أهل مصر» أهم ردود الأفعال على تلك الواقعة.
فرد عليه مستخدمي مواقع التواصل في التعليقات، قائلين: 'الصعيد مش كده، إنت كداب، إحنا معندناش ضرب، مبنضربش حريمنا، إحنا رجالة مش زيك، إنت مش راجل، الصعيد مفهوش كده'.
ومن جانبها أعربت الدكتورة مايا موسي، رئيسة المجلس القومي للمرأة، عبر 'الفيس بوك' عن غضبها قائلة: 'ياراجل 'الرجال لا يضربن النساء' ياراجل بتضرب مراتك وهي بفستان الفرح، ياراجل بتضربها في الشارع وقدام الناس'.
ثم وجهت مرسي، حديثها للزوجة قائلة: 'ياعروسة أنت عملت صلح بس افتكري الصلح مش خير خالص في حالتك، مش هنستغرب ابدًا أنه يتهور عليكي ويقتلك، أو يضربك أمام أولادك أو في الشارع تاني وأنت معك الولاد، إن غياب التربية والاحترام والمرؤة هم بداية انهيار الأسرة'.ومن جانبه أعرب الفنان محمود عبد المغني، عن رفضه لهذا الموقف عبر صفحته على 'الفيس بوك' قائلًا: ' 'مين قال إن الصعايدة بيضربوا الستات، الصعايدة رجالة، واللي يمد إيده على ست مش راجل'.
وهاجم الفنان صبري فواز، عبر حسابه الرسمي على 'الفيس بوك' قائلًا: 'لو حد باس مراته في الشارع هايتجرس هو وهي وممكن يموتوا من الضرب، عشان المجتمع وحياؤه ينبسطوا، ولو حد ضرب مراته في الشارع، المجتمع مش هيتدخل غير بكلمة 'خليه يربيها'، عشان المجتمع وقلة حياؤه ينبسطوا'.
وعلقت الإعلامية ريهام سعيد، قائلة: 'غلطتي غلطة عمرك إنك كملتي وهايبقي غلط أكبر لو استمريتي، هايضربك تاني وتالت ورابع وهايضربك ادام عيالك ليه؟ عشان الحب؟ فين هو ده؟ ساعات في قرارات بتبقي صعبه أوي الواحد ياخدها بس لو نجح إنه ياخدها ويتحدي الناس والخوف هايشتري حياته إلى هايعيشها مره واحده بس'.
وعلقت الفنانة نشوى مصطفى، على واقعة ضرب عروسة الإسماعيلية قائلة:'الرجالة ولاد الأصل العالي بيربوا ولادهم إن الراجل كامل الرجولة مايمدش ايده على واحدة ست'.
ووجهت الاعلامية أسما إبراهيم، كلمة إلى عروس الإسماعيلية في برنامجها 'حبر سري'، قائلة: 'الله يعينك على اللي جاي وكل اللي حقدر أقوله ربنا يهديهولك طلما انتي ارتضيتي الإهانة من أول يوم'.
واختتمت أسما، حديثها قائلة: 'رفقآ بالقوارير ما أكرمهم إلا كريم وما أهانهم إلا لئيم'.
تابعوا آخر أهل مصر على Google News
