المطربة أمينة تعلن وفاة الفنان جمال فؤاد

أعلنت المطربة أمينة، منذ قليل، عبر حسابها الشخصي على موقع تبادل الصور والفيديوهات الشهير 'إنستجرام'، وفاة الفنان جمال فؤاد.

ونشرت امينة صورة الراحل جمال فؤاد، وعلقت قائلة: 'جمال فؤاد توفاه الله، وهو دلوقتى حالًا بيدفن في البحيرة، أمانة تدعوله فهو من أطيب وأحن وأجدع من قابلت، طيب وكان نفسه يحقق حاجة نفسه فيها، بس قضاء الله وقدره وأمره نفذ، إنا لله وإنا إليه راجعون.. الله يرحمك يا جمال الله يرحمك فضلًا وليس أمرا ادعو له فهو الآن يسأل'.

وكان آخر أعمال الفنان الراحل، جمال فؤاد، مشاركته في فيلم 'الشرابية'، مع الفنانين: أمينة، ولطفي لبيب، وعلاء مرسي، وراندا البحيري، وحسن عبد الفتاح، وسليمان عيد، ومنير مكرم، وحسن عيد.

يشار إلى أن آخر منشورات جمال فؤاد، على فيسبوك، منذ نحو أسبوع عندما قال: 'أكتر حاجة بكرهها إن حد يلقح على حد بالكلام، من غير ما يجيب سيرته، عشان يخلّي خصمه يعرف يرد عليه، إنما الخيبة اللي بتلقح كلام، وتقول الحدق يفهم، معدش حد دلوقتي بيحط في دماغه إنه يفهم، بحس شخصية معندهاش الشجاعة الكافية إنها تواجه خصمها، يا جماعة الكلام ده مش قاصد بيه حد، بس خلاص قربت أمسح الفيس من عندي بسبب النفاق، وقربت أنسى إني راجل متربي على الشجاعة مش الجبن، أنا مش قاصد حد، بس نصيحة مني اللي عاوز يقول لحد حاجة يقولها في وشه وميبقاش منافق وجبان، شكرا، تحياتي، إن شاء الله كل يوم أجبلكم نصيحة حلوة'.