سمية الخشاب تفتح النار على عريس الإسماعيلية.. ماذا قالت؟

فتحت الفنانة سمية الخشاب، نار الهجوم على عريس الإسماعيلية، الذي ضرب عروسه في الشارع، خلال زفافهما.

وكتبت سمية الخشاب على حسابها بموقع 'تويتر': 'أنا زهقت اوي! مجتمع ذكوري بحت وإهانة المرأة بقت حاجة عادية، ويمكن تكون حق مكتسب كمان للراجل، واحنا مش واخدين بالنا.. والمفروض أإها تسكت وتداري وتعدي عشان كلام الناس، والفضايح والمجتمع اللي مبيسبش حد في حاله والذي منه، الفاتحة على الجهل والتخلف واللا إنسانية'.

وأضافت: 'المفروض يبقى في مادة تتدرس في المدارس والجامعات، خصوصا للبنات اسمها كيفيه الدفاع عن النفس، وتكون بتعلم الناس وخصوصا البنات ازاي يدافعوا عن نفسهم قدام الحيوانات البشرية اللي كتروا أوي اليومين دول'.

وتابعت: 'أي راجل همجي جاهل لازم يعرف إن احترامه للأنثى من احترامه لنفسه، يا إما بقى يروح يعيش مع الحيوانات، ويطبق قانون الغابة وساعتها يبقى على الرجولة والإنسانية السلام... سلام يا 'راجل'.

=