كشف الفنان أحمد ماهر، عن ذكرياته مع مسلسل "ذئاب الجبل"، الذي حقق نجاحا كبيرا وقت عرضه، موضحا أن هناك سر لا يعرفه الكثيرون، بخصوص هذا المسلسل.
وقال في لقائه مع "أهل مصر": "هناك مشهد المحذوف في المسلسل ولجأ المخرج لحذفه بسبب وفاة الفنان الكبير عبد الله غيث، قبل أن ينتهي من تصوير جميع مشاهده".
وأضاف: "تفاصيل المشهد هي أن عبد الله غيث بعد ما يرجع البيت في أحد الأيام مراته تقوله إن إخوتها بعتولها ميراثها، وهو نايم جنبها في السير ويطمئن أنها دخلت في النوم، فيسرق الميراث، ويقتلها ويخرج يدفنها في الجنينة بتاع البيت، ويصبح تاني يوم يقابل دبورعلى القهوة ويقوله إنه نوى يتجوز بنت العمدة في البلد اللي جارنا".
وتابع: "وباعتبار أني في المسلسل صعيدي وميعجبنيش المساخة بتاعته، فبشتمته وأقوله: "يا واد عريت الصعايدة"، فيقولي: "يا واد أنا جايبك تحميني مش تشتمني"، فأقوله: "واضرب اللي جابك يا شيخ كيف يعني ابتتماسخ مع الغوازي وقولنا ماشي، لكن تتجوز على الولية بفلوساتها يخربيت اللي جابك، وأقوم أضربه، واللي معدي على القهوة يحوش بينا يقولي: "يعني معجبكش أنه هيتجوز بفلوس الولية طب تقول ايه لما تعرف أنه خطف مهجة فأبصله فيرتبك، ويقولي ودفنها وهي حامل".
وأكمل أحمد ماهر: "بيجن جنون دبور فابخش عليه فبيقولي: "هفهمك، لكن دبور يفقد أعصابه وبخنقه لحد ما يطمن أنه قتله فبيمد إيده ياخد المطواة من جيب الصديري ويفتحها ويشق صدره ويجيب كبده وياكله ويقول: حياة الوحوش والجبل أرحم من حياة البشر وبيطلع الجبل تاني، وده اللي متصورش".
تابعوا آخر أهل مصر على Google News
