ظهر الفنان كريم الحسيني، في مقطع فيديو عبر حسابه على موقع «فيسبوك»، لتوضيح أسباب عمله في بيع المشروبات الساخنة على الطريق، والذي أثار جدلا واسعا عبر موقع التواصل الاجتماعي.
وقال:«بشكركم جدا على مشاعركم الجميلة، خصوصا السادة الفنانين وكل الناس التي أجمعت على مساعدة كريم، ولكن الحمد لله الدنيا مستورة».
وعن المشروع رد قائلا: «كنت عايزه يسند معايا، عشان الشخص ميشتغلش اللي هو مش عايزه، فتضطر تقبل عشان مفيش فلوس وتاخد عربون عشان تمشي البيت، وفي الآخر العمل يتحسب عليك».
وأضاف: «لم تيجي تدخل عمل مهم وانت بتحلم بي، يقولك لا مش هينفع يشتغل معانا عشان اشتغل كذا وكذا، وأنا معنديش عمل في رمضان، ولكن الحمد لله مستورة، وفتحت مشروع مثل أي شخص، وفيه فنانين كتير فاتحين كافيهات، ولكن عربية القهوة أنا اخترتها عشان بسيطة عليا، وممكن أفتح كافيه ويخسر».
واستطرد: «الشغل مش عيب، واتمسك بحلم ولو الشغل شريف محدش ليه عندك حاجة، وعلى فكرة أنا لسه مخلص مسرحية زقاق المدق، وهترجع تاني في العيد القادم، وبشارك في عرض آخر من 2018 بعنوان أمر تكليف وهنسافر بيه محافظات مصر ومبسوط ان العرض راجع تاني».
واختتم: «كل الأشخاص حوالينا عارفين موظفين مسرح الدولة بيشتغلوا حبا في الموضوع ولما بنشارك في عمل بندفع أكثر من الأجر المقابل»
تابعوا آخر أهل مصر على Google News
