ناقدة فنية عن جالا قهمي: «عندها كاريزما لكن مش ممثلة جامدة»

تحدثت الناقدة الفنية ميرفت عمر نائب رئيس مهرجان الإسكندرية السينمائي الدولي، عن الفنانة جالا فهمي التي رحلت عن عالمنا يوم الأحد الماضي عن عمر يناهز 59 عامًا بعد تعرضها لأزمة قلبية مفاجئة.

الفنانة جالا فهمي

وقالت ميرفت عمر في تصريح لـ 'أهل مصر':'جالا فهمي مشوارها الفني قصير وحجم الأدوار اللي قدمتها يعتبر صغير، حتى الأعمال اللي قدمت فيها بطولة تعتبر أعمال خفيفة كوميدية لايت، و في تقديري أنها لحد ما أعتزلت أو بعدت مقدمتش ما يثبت قدرات جالا فهمي الحقيقية'.

وأضافت ميرفت عمر قائلة:'حتى مشاركتها في المسلسلات مثل 'ليالي الحلمية وهوانم جاردن سيتي'، وعدد من المسلسلات مخلناش نشوف منها طاقات مختلفة، وتعد من الممثلات اللي كانت محتاجة لمخرج عنده رؤية يستفيد أو يستغل قدراتها التمثيلية اللي مظهرتش على الشاشة، لكن الناس حبتها ليه لأنها كان لها قبول وكاريزما خلتها دخلت قلوب الناس'.

وتابعت 'عمر'،:'لكن منقدرش نقول إن كان عندك ممثلة جامدة، ممكن لو كانت أستمرت كان ده حصل، وكانت ظهرت قدامنا بغير الأدوار اللي شفناها عليها، لكن بشكل عام جالا فهمي ممثلة ذات وجه ملائكي وسهل تشكيله وكانت قريبة جدًا من قلب المتفرج ولما اشتغلت مذيعة فترة كانت ناجحة إلا أنها متفرغتش لده بالشكل الجيد اللي يخلينا قدام مذيعة متكاملة'.