الفنان كريم مغاوري: أنا مريض اكتئاب وبتعالج

أعلن الفنان كريم مغاوري، عبر حسابه الرسمي على موقع التواصل الاجتماعي 'فيس بوك' بأنه مريض اكتئاب، و يتعطي بعض العقاقير الطبية المهدئة، وفقدان شغفه للحياة.

قائلا: 'مش قادر أكون متفائل أو أكدب وأتظاهر إني متفائل، أنا مريض اكتئاب وبتعالج منه كان نفسي أكون قوي وأقدر أقاومه، بس مقدرتش، كان نفسي يكون ليا أي عمل في رمضان بس مفيش نصيب وراضي والحمد لله، كان نفسي اعمل عمرة بس ربنا يكتبها لي على خير في وقت هو محددة'.

وعبر عن حزنه قائلا: 'النهاردة نفسي اتكسرت كسرة وحشة قوي من إنسان غالي على قلبي وصاحب فضل عليا بعد ربنا، بس خلاني قدام الناس أظهر بشكل إني إنسان بتاع مشاكل ومش بسامح ورغم كده عملت اللي هو عايزه بنية صافية لوجه الله تعالى، ١٤ قرص منوم عشان أنام ومفيش فايدة'.

واختتم: 'يا رب لو كان ده تكفير ذنوب أنا راضي والحمد لله والرزق بأيد ربنا، وكسرة نفسي بطلب من ربنا يجبر بخاطري يارب'.

يذكر أن آخر ظهور للفنان كريم مغاوري هو فيلم معالي ماما ويضم العديد من النجوم أبرزهم بشرى، حسام داغر، سامي مغاوري، وعلاء مرسي، ومحمد علي رزق، وشريف باهر، بجانب عدد من الشباب نور إيهاب، سليم الترك الشهير بسولي، الطفل ياسين، والعمل من إخراج أحمد نور.

وتدور أحداث الفيلم في إطار من الكوميديا حول سيدة لديها 3 أبناء، وتلعب شخصيتها الفنانة بشرى، وتمر بعدة أزمات حيث تحاول الموازنة بين كونها امرأة عاملة وفي نفس الوقت أمًّا مسؤولة.