لأول مرة.. نيفين مندور تكشف أسرار القبض عليها بسبب المخدرات

كشفت الفنانة نيفين مندور، عن تفاصيل تعاطيها للمخدرات، والقبض عليها مرتين كان آخرهما في 2016.

وأوضحت نيفين مندور، في حديثها لبرنامج "كلام الناس" الذي تقدمه ياسمين عز عبر قناة "MBC مصر": "باختصار شديد الموضوع ده بالنسبة لي بيضايقني، هو الموضوع كان خاص بوالدي مش بيا خالص، بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان".

وتابعت نيفين مندور قائلة: "بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس الإيجابية، وإن الناس مش مصدقة خليتني مردش وإنهم مصدقني، فأصلح لمين؟ للناس المريضة؟ دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة".

ويذكر أن نيفين مندور، ألقي القبض عليها في 2013 برفقة أشخاص آخرين، أثناء استقلالهم سيارة وبحيازتهم سجائر "حشيش"، بمحافظة الإسكندرية، وتمّت إحالتهم جميعًا للنيابة العامة.