«مش في وعيه خالص».. نجل عبد الرحمن أبو زهرة يكشف تفاصيل حالته الصحية (خاص)

كشف أحمد نجل الفنان الكبير عبد الرحمن أبو زهرة، آخر تفاصيل حالته الصحية، بعدما تعرض لوعكة صحية مؤخرا، نُقل على أثرها إلى العناية المركزة.

حالة عبد الرحمن أبو زهرة

وقال أحمد أبو زهرة في تصريح لـ «أهل مصر»، إن والده منذ نحو أسبوع سقط في المنزل، لكن بعدها قام وتحرك وتحدث معه ولم يكن هناك أي شئ.

وتابع قائلا:"قعدت أنا شخصيا اتكلمت معاه ولكن بعد مرور يوم بدأت أعراض غريبة تنتابه، وكان هو بياخد أدوية كتبها له دكتور مخ وأعصاب، وكان الدكتور بيتكلم عن جفاف وأنه لازم يشرب مياه كتيرة ولكن للأسف كان بيرفض يشرب مياه بعد ما وقع، وبدأت الحالة الغريبة تكون عنده من عدم تركيز وعدم إدراك للأشياء اللي حواليه".

وأضاف نجل الفنان الكبير عبد الرحمن أبو زهرة:"بعدها اضطرينا ننقله المستشفي بعد ما دكتور المخ والاعصاب قال لازم رعاية مركزة، أما راح المستشفى عرفنا أنه كمان عنده كسر في مفصل الحوض الأيمن وكان أخر مرة عرفت اتكلم معاه كلمتين يوم الجمعة اللي فاتت، وغير كدة هو مش في وعيه خالص، ومن ساعتها مفيش اي تقدم، خاصة انه لا بياكل ولا بيشرب وطبعا كدة المعدة حتتوقف تماما".

واختتم أحمد أبو زهرة قائلا:"هو موجود على أجهزة حاليا لضخ الأكل والسوائل في الجسم علشان موضوع الجفاف، ولكنه واضح ان الجفاف مازال شديد ومفيش اي تحسن".