علق الإعلامي عمرو أديب، على مسلسل المداح 2، بطولة الفنان حمادة هلال قائلًا:«عامل دوشة السنة الماضية وهذه العام وكان تريند رقم 1 والناس خافت امبارح».
وأضاف عمرو أديب خلال تقديم برنامجه «الحكاية» المذاع على فضائية «إم بي سي مصر»:«الشغل اللي فيه يناقش بوعي ظاهرة موجودة في مصر يمكن مش بنشوفها في الحضر كثير ولكن في الريف مسألة السحر موجودة».
من جانبه، قال الفنان حمادة هلال، في مداخلة هاتفية مع عمرو أديب في برنامج الحكاية، أنا كنت متردد أعمل جزء ثاني لأن الجزء الأول كان مفاجأة كبيرة عليا وعلى الجمهور وقولت لو هيكون فيه جزء ثاني يكون مختلف ولما لقينا السكة الجديدة قررت اعمله.
وتابع:«الورطة اللي داخل فيها صابر مع هذا العالم لأنه لما خرج في الجزء الأول وحرق الكتب خرج بعدوان وطريقته كانت غلط وإحنا روحنا قعدنا مع ناس ورسالتنا للناس بلاش تفكروا في هذه السكة لأن اللي هينقذك هو ربنا سبحانه وتعالى»
تابعوا آخر أهل مصر على Google News
