أحمد فلوكس:"جزمة أبويا على راسي لحد ما أموت.. وناس لعبت عليه عشان يهاجمني"

أكد الفنان أحمد فلوكس، عدم صحة ما أشيع عن مقاطعته لوالده وعدم صلته به، قائلا: "فى ناس حاولت تشيع أني مقاطع أبويا، وأبويا جزمته على راسي لحد ما أموت ولو فى حاجة فى شخصيتي كويسة فهو السبب فيها بعد الله ولكن هو اتلعب عليه".

وأوضح الفنان أحمد فلوكس، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أنه كان لديه مشكلة خاصة ويحاول أن يبعد والده الفنان الكبير فاروق فلوكس عن تفاصيلها، مضيفا: "أنا كان عندي مشكلة خاصة وببعد أن ولدي يعرف حاجة وهو عنده 86 سنة وبخاف عليه في السن ده والناس لعبت على الحته دي".

ووجه الفنان أحمد فلوكس، رسالة إلى والده قائلا: "أهم حاجة عندي أبويا والقصة مش فيا والقصة أن ناس هاجمت أبويا وعمري ما أقاطع أبويا، وربنا يخليه لنا ولأحفاده وربنا يريح قلبك علينا ديما".