أثارت الفنانة زيزي عادل، الجدل بعد نشر فيديو عبر حسابها الرسمي على موقع التواصل الاجتماعى 'إنستجرام'، عن إعتزالها الفن وأسباب الاعتزال.
وكتبت زيزي، على الفيديو،: 'بسم الله الرحمن الرحيم وَمَن يَتّقِ اللَّهَ يَجَعل لَّهُ مَخرَجاً وَيَرزُقهُ مِن حَيثُ لَا يَحتَسبُ صدق الله العظيم'.
وقالت خلال الفيديو،: 'أنا طالعة النهاردة في الفيديو أقول خبر مهم جدًا أخدته في حياتي، يمكن الخبر ده يكون يكون أهم خبر وقرار في حياتي، هو قرار الاعتزال، أنا قررت أسيب المهنة إللى أنا بشتغلها'.
وتابعت زيزي في الفيديو الذي نشرته،:'القرار ده يمكن ما اخدتهوش إمبارح بس، لكن أخدته من فترة كبيرة، أنا مطلعتش أقولكم الخبر ده من فترة، كنت حابة أتكلم مع نفسي ومع الناس القريبة والناس دي دعمتني جدًا لما قولتلهم، وشجعوني، أنا ببعد عن أكتر حاجة من أكتر من المغريات في الدنيا، اللي هي الشهرة والأضواء'.
وأشارت زيزي،: 'الفترة إللي فاتت دي أنا قربت من ربنا جدًا، ولقيت القرآن بيقولي إني لازم أكون ملتزمة وإن لازم أكون على قد ما أقدر ملتزمة، ويمكن تكونوا مستغربين، إني طالعة بشعرى ومش محجبة، أنا طالعة بشعري لإن ربنا لسه ما أنعمش عليا بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة إللي بعدها'.
يذكر أنه غابت زيزي، عن الساحة الغنائية لمدة سبعة سنوات بسبب مرض والدها ورحيله، وفي عام 2014 عادت إلى الساحة الغنائية بأغنية منفردة حملت عنوان 'شايلاهالك'، وصورتها مع المخرج الأردني 'يعقوب لامبز' بعد توقيعها عقدًا مع شركة عالم الفن محسن جابر، وقنوات مزيكا، أطلقت زيزي ألبوم 'أنا أنثى' عام 2015 الذي شهد عودتها للساحة الغنائية، ثم ظهرت بالأمس 18 إبريل 2022 وأعلنت قرار إعتزالها الفن نهائيًا.
تابعوا آخر أهل مصر على Google News
