حل الفنان ياسر جلال ضيفا على الراديو 90.90، وتحدث عن كواليس مشاركته بدور الرئيس عبد الفتاح السيسي في مسلسل الاختيار الجزء الثالث، الذي عرض في رمضان المنقضي وحقق نجاحا كبيرا ونسبة مشاهدة عالية.
وسألته المذيعة عن كيفية الإتيان بنفس صوت الرئيس عبد الفتاح السيسى وكأنه هو بالضبط، ليرد عليها جلال قائلا:'كنت بسجل المشاهد صوت وأقول كلامي وكلام اللي قدامي وأسمعها وأنا رايح للتصوير،وأنا بعمل الشخصية كنت ببقى خايف أعمل حاجة فتطلع غلط ومش مظبوطة فكنت بتعامل بحذر شديد، وكنت عايز أجيب تون الصوت فجيت وأنا بعمل بروفة فقولت جملة بتون صوت الرئيس فلاقيت مهندس الصوت جاي يعدلي المايك تحت ياقة البدلة قالي أنت جايب تون الصوت بالملي'.
وتابع ياسر جلال حديثه:'وبدأت أمثل'، وقلد صوت الرئيس قائلا:'لازم تبقوا عارفين أن بلدنا بتمر بظروف استثنائية صحيح'، وعقب قائلا:'أول ما قولت الجملة دي لاقيت حسين عصر مدير التصوير والمخرج بيتر ميمي تفاجئوا فخدت الثقة وكملت بتون الصوت بالشكل ده'.
وأضاف ياسر جلال قائلا:'أنا قصدت أقول التجربة دي، لان فيه ناس بتقول أن ده مش صوتي وأنه دوبلاج، ده غير صحيح وحاجة متنفعش في شغلنا'.
تابعوا آخر أهل مصر على Google News
