علق الفنان عمرو عبد العزيز، على الانتقادات التي وجهت لـ بسنت شوقي ومحمد فراج في يوم حفل زفافهما، الذي عقد أمس الجمعة، في سهل حشيش، بحضور عدد من الفنانين والأصدقاء المقربين.
وكتب عمرو عبد العزيز عبر حسابه الرسمي على موقع التواصل الاجتماعي 'فيس بوك': 'على الناس المريضة اللي بتكتب كلام وحش شبه وشهم كده على فرح فراج وبسنت شوقي، ليه يا جماعة الناس بتكتب كلام وحش، لتقل خيرًا أو لتصمت بدل ما تقولوا ربنا يسعدهم أو تتمنوليهم الخير، ليه بتقولوا كلام زي كده على اثنين في يوم فرحهم وتقولوا كلام يجرحهم'.
وأضاف عمرو عبد العزيز: 'تخيلوا كده لو يوم فرح ابنك أو أخوك أو بنتك وحد كتب كومنت زي اللي انتوا كاتبينوا ضده وانتوا جيتوا بعد كده شوفتوه هيبقى إحساسكم إيه وقتها، مانجرحش الناس ونضايقهم'.
خاتمًا: 'لو سمحتوا، اتمنوا الخير والفرحة للناس واحد وواحدة فرحانين إن ربنا كرمهم واتجوزوا بعد تعب ومجهود سنين، بجد الناس بقت وحشة قوي والخوف منهم بيزيد يوم بعد يوم'.
وعلق أحد متابعية: 'عندك حق في إن الناس بقت مرعبة في اندفعها، بس بردو فراج ومراتو، قالعين بزيادة فالمفروض هما برضوا فليفعلوا خيرًا أو يستحملوا نتيجة قراراتهم ومواقفهم برضو'.
ورد عليه عمرو قائلًا:'برضو الناس مالهاش دعوة حضرتك كل واحد حر في حياته هو الشخصية، مش كل واحد يعمل واعظ وكل واحد حياته فيها بلاوي'.
وكانت بسنت شوقي أعلنت عن إقامة حفل زفافها على الفنان محمد فراج، بسهل حشيش، بحضور عدد من الفنانين والأصدقاء المقربين، ونشرت بسنت شوقي، عبر خاصية الاستوري على موقع تبادل الصور «إنستجرام»، صورا ومقاطع فيديو من استعدادها للاحتفال مع أصدقائهما المقربين مساء أمس.
يذكر أن محمد فراج، وبسنت شوقي، عقدا قرانهما، في شهر يونيو 2021، بحضور عدد من نجوم الفن، منهم أحمد حلمي ومنى زكي ويوسف الشريف وإنجي علاء وصبري فواز وحنان مطاوع وأمير اليماني وهنا شيحة وعلا رشدي وجميلة عوض وريهام عبد الغفور وآسر ياسين ولقاء الخميسي ومحمد عبد المنصف وغيرهم من النجوم.
تابعوا آخر أهل مصر على Google News
